Er evran öruggur seðill?

Við og við berast fréttir af því að fundist hafi falsaðir evruseðlar. Hér er greint frá því að falsaðar evrur fyrir jafnvirði um 65 milljóna króna hafi fundist í Portúgal.

Þetta virðist há fjárhæð, en er það kannski ekki þegar heildarsamhengi verðmæta er skoðað.

Hins vegar er þetta ein af fjölmörgum fréttum um svona falsanir.

Um þetta er aðeins hægt að segja eitt: Seðlafalsarar og svikarar finna sínar leiðir og því víðar sem seðilinn er að finna því algengari verður fölsunin, að öðru óbreyttu.

Svo öllu sé til haga haldið: Það er ekki verið að gefa í skyn að þetta séu einhver rök með eða á móti evru. Það þykir hins vegar alltaf fréttnæmt þegar um tiltölulega stórar falsanir er að ræða, eins og hér.

Sviknar evrur finnast í Portúgal

Athugasemdir

[Guðmundur Ásgeirsson, 21.2.2013 kl. 11:41]

En er evran ekki einmitt falsaður gjaldmiðill?

Hvaða skattheimtuvald baktryggir hann annars?

[Pétur (IP-tala skráð) 22.2.2013 kl. 15:41]

"Seðlafalsarar og svikarar finna sínar leiðir og því víðar sem seðilinn er að finna því algengari verður fölsunin, að öðru óbreyttu."

Það nennir víst enginn að falsa íslenzka peningaseðla. Það hlýtur þá að vera kostur að hafa örmynt. :)

[Pétur (IP-tala skráð) 22.2.2013 kl. 16:15]

"Hvaða skattheimtuvald baktryggir hann annars?"

Talandi um skattheimtu, þá má það ekki gleymast að bæði framkvæmdarstjórnin í Bruxelles og Micky Mouse-þingið í Strasbourg berjast fyrir því að leggja sérstakan ESB-skatt á borgarana, eins konar federal tax. Gríðarleg andstaða er gegn þessum fyrirætlunum í þjóðríkjunum, en sníkjudýrin hafa enn ekki gefizt upp. Enda leitast þau við að fullgera ESB-ríkið að bandarískri fyrirmynd. En Bandaríki Evrópu eru auðvitað dæmd til að misheppnast, eins og allir vita (nema Ásmundur).

Í dag fjármagnast ESB aðallega af hluta af VSK, sem er innheimt af seldum vörum og þjónustu í aðildarríkjunum auk prósentu af vergri þjóðarframleiðslu. Þetta hefur ESB-þingmönnunum ekki þótt gefa þeim nógu mikla stjórn yfir tekjunum. En ef ESB-skattur verður lagður á, þvert á óskir þjóðríkjanna, þá munu þær skatttekjur ekki koma í stað hinna, heldur ofan í.

Ég vil líka minna á, að ein tillaga frá ESB-þinginu fyrir mörgum árum að leggja á SMS-skatt (þ.e. ákveðin greiðsla pr. skeyti), sem rynni óskipt til sambandsins. Grundvöllurinn að þessari fáránlegu tillögu var ekki að SMS-skeytasending kæmi sambandinu neitt við, heldur að það væru svo margir, sem alltaf væru að texta, svo að þetta hlyti að vera gjöful tekjulind.(!)