Leita í fréttum mbl.is

Fyrsti ósigur Katrínar í stóli formanns VG - varð undir í ESB-málum

KatrinjakKatrín Jakobsdóttir formaður Vinstri grænna beið sinn fyrsta ósigur í stóli formanns flokksins í dag. Landsfundarmenn samþykktu rétt í þessu að aðildarviðræðurnar yrðu kláraðar, en Katrín var búin að lýsa sig fylgjandi því að þjóðin fengi að kjósa um framhaldið.

Hins vegar er þessi samþykkt sem einn fundarmanna var skráður fyrir með þeim hætti að hún vekur upp spurningar um hvort hægt sé að taka mark á henni - eða flokknum yfirleitt. Ekki var betur greint en svo að viðræðunum yrði að ljúka á einu ári frá kosningum. Verði þeim ekki lokið á þeim tíma munu Vinstri græn væntanlega vilja stöðva ferlið á þeim tímapunkti.

Miðað við þann tíma sem viðræðurnar hafa tekið til þessa vaknar sú spurning hvort samþykkt hennar feli það í raun ekki í sér að Vinstri græn telji þessu ferli sjálfhætt - þetta sé aðeins enn ein undarlega kurteisiskveðjan til Samfylkingar og ESB.

Eða ber að skilja þessa ályktun svo að að með því að setja orðin til dæmis fyrir framan tímamörkin eitt ár, þá séu Vinstri græn opin fyrir hverju sem er í þessu.

Vinsri græn eru alltént á því að aðlögunarferlið skulu halda áfram óhindrað.

Þessi niðurstaða hjá Vinstri grænum hlýtur að vekja upp spurningar um trúverðugleika þeirra í Evrópumálunum.


mbl.is VG vill ljúka ESB-viðræðum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Gunnlaugur I.

Þessi undarlega moðsuðu samþykkt Landsfundar VG sem reyndar var samþykkt naumlega, um að vilja halda ESB aðildarferlinu áfram, þrátt fyrir það að flokkurinn segist enn vera andvígur ESB aðild.

Staðfestir aðeins áframhaldandi pólitíska geðklofasýki þessa flokks og takmarkalausan undirlægjuhátt þeirra við Samfylkinguna, sem ekki einu sinni kosningar virðast geta rofið.

Þetta er bara enn einn naglinn í líkkistu þessa flokks.

Gunnlaugur I., 24.2.2013 kl. 19:08

2 Smámynd: Ívar Pálsson

Kannski sýndu 11- menningarnir það hvernig ESB er samsett og hvernig ESB- aðlögun virkar: Sósíalistar sem segjast elska lýðræðið en fara þvert gegn vilja þorra sinna kjósenda, bara að fulltrúarnir komist til valda og hreiðri um sig þar.

Ívar Pálsson, 24.2.2013 kl. 22:19

3 identicon

Já þannig skil ég þessa ályktun, að til standi að setja umsóknarferlinu tímamörk "til dæmis" 1 ár.

Þannig að það má segja að áherslur nýs varaformanns hafi orðið ofan á. Mér sýnist þetta vera galopin ályktun í eina átt.

Gunnar Waage (IP-tala skráð) 25.2.2013 kl. 04:52

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Heimssýn

Heimssýn

hreyfing sjálfstæðissinna í Evrópumálum, eru þverpólitísk samtök þeirra sem telja hagsmunum Íslendinga best borgið með því að halda áfram að vera sjálfstæð þjóð utan Evrópusambandsins.

 

Sími 895 5334 (Haraldur Ólafsson, formaður)


Nánar um Heimssýn

Vertu með!

Frjáls framlög

Eldri færslur

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (29.3.): 85
  • Sl. sólarhring: 149
  • Sl. viku: 2197
  • Frá upphafi: 1112239

Annað

  • Innlit í dag: 65
  • Innlit sl. viku: 1973
  • Gestir í dag: 63
  • IP-tölur í dag: 62

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband