Konur í ESB vinna kauplaust í 59 daga á ári

Samkvæmt þessari frétt EUobserver er óútskýrður launamunur kynjanna í ESB 16,2%, en það er talið jafngilda því að konur vinni 59 daga á ári kauplaust.

Við þetta má bæta því að niðurskurður hjá hinu opinbera í ESB-löndunum í núverandi kreppu bitnar harðast í þeim geirum þar sem konur vinna. Mun fleiri konur missa því vinnuna en karlar.

Við þetta bætist enn að það kemur svo í mun ríkari mæli í hlut kvenna að annast ungviði og aldraða, lasburða og aðra ættingja sem ekki geta séð sér farborða.

Staða kvenna í Evrópusambandslöndunum er því miklu verri  en karla og mun verri en væntingar hafa stað til.

Athugasemdir

[Anna Sigríður Guðmundsdóttir, 27.2.2013 kl. 21:01]

Ætli Ingibjörg Sólrún viti af þessu? Eða allar hálauna-lífeyris-verðtryggðu ráðherra og alþingiskonurnar? Forsagan segir okkur að þær hafi enga hugmynd um þessa hörmulegu þróun. Þær eru komnar of langt frá grasrótinni.

Frekar vandræðalegt fyrir þær, blessaðar "fínu" kellurnar á þeim bænum. Hvernig getum við hjálpað þeim til að skilja þessa vel þekktu staðreynd? Þurfa allar hjúkkurnar að flytja frá Íslandi, til að einhverjar viðvörunarbjöllur nái til hálauna-kvenna?

Sumar skilja þetta reyndar á stjórnarheimilinu, en fá engu að ráða, vegna gömlu mattador-gosanna í fjármála-spillingargeiranum.

M.b.kv.