Atvinnuleysi eykst enn á evrusvæðinu

Atvinnulausum fjölgar á evrusvæðinu. Samkvæmt upplýsingum Eurostat (eins konar hagstofu ESB) síðastliðinn föstudag voru 19 milljónir manna í 17 evrulöndunum án atvinnu. Í lok janúar voru 11,9% vinnufærra manna án atvinnu, en það er örlítil aukning frá því í desember.

Þetta kemur fram í EUobserver í dag, sjá: http://euobserver.com/tickers/119266

Athugasemdir

[JR (IP-tala skráð) 4.3.2013 kl. 22:23]

Veit ekki um ykkur en þetta setur að mér hroll.  Við erum að selja mest allan fisk okkar inn á evrópumarkað !  Þið vitið væntanlega að okkar þjóð lifir á því að selja fiskinn okkar inn á evrópumarkaðinn ?

Ætli þið að halda eitthvað partý, vegna þessa ?

[Heimssýn, 4.3.2013 kl. 23:57]

Auðvitað er þetta hrollvekjandi og engin ástæða til veisluhalda. Það hefur verið margtekið fram af þeim sem birta hagspár hér á landi að helsta hættan fyrir íslenskan útflutning um þessar mundir er hið óvissa ástand á evrusvæðinu, minnkandi eftirspurn og atvinna. Þetta er verulegt áhyggjuefni fyrir alla þá sem flytja út vörur og þjónustu á evrusvæðið. Ástæðan fyrir þessu er meðal annars það óhagræði sem evran veldur. Gengi landanna er læst saman og sum löndin hafi bætt samkeppnisstöðu sína á kostnað annarra, svo sem Þjóðverjar á kostnað Ítala - vegna mismunandi þróunar framleiðslukostnaðar - sem á m.a. þátt í hinu gífurlega atvinnuleysi sem á sér stað á Ítalíu, Spáni og Grikklandi. Það er rétt að skoða þennan vanda eins og hann er, greina ástæðurnar og velta fyrir sér úrlausnum - annars vegar fyrir evruríkin - og hins vegar að skoða hvaða leið sé heppilegust fyrir Íslendinga í þessu samhengi.