Nýr vefur - www.neiesb.is

Nei við ESB (www.neiesb.is) heitir nýr vefur sem opnaður hefur verið í dag, en að honum standa nokkur samtök sem telja það ekki þjóna hagsmunum Íslendinga að Ísland gerist aðli að ESB. Á vefnum verður að finna upplýsingar um Evrópusambandið, málefni þess og þróun, um stöðu einstakra ríkja í sambandinu, um evruna og Gjaldmiðilsbandalag Evrópu og um stöðu Íslands í þessu samhengi.
 
Samtímis því sem vefurinn er opnaður hefur sendinefnd á vegum Nei við ESB lagt í stutta kynnisferð til Brussel til að kynna sjónarmið Íslendinga og heyra jafnframt sjónarmið stjórnmálamanna og embættismanna í Brussel. Í ferðinni taka þátt Ásmundur Einar Daðason þingmaður, Halldóra Hjaltadóttir formaður Ísafoldar, félags ungs fólks gegn ESB-aðild, Tómas Ingi Olrich fyrrverandi þingmaður, ráðherra og sendiherra, Þorleifur Gunnlaugsson, varaborgarfulltrúi og Gunnlaugur Ólafsson starfsmaður samtaka ESB andstæðinga. Sendinefndin mun í ferðinni ræða sérstaklega um stöðu aðildarviðræðna Íslands, sjávarútvegsmál, verkalýðsmál og landbúnaðarmál, en auk þess kynna sér þau mál sem eru ofarlega á baugi, eins og t.d. á Kýpur.
 
Þau samtök sem standa að opnun vefjarins Nei við ESB í dag og að ferð fimmmenninganna til Brussel eru Heimssýn, hreyfing sjálfstæðissinna í Evrópumálum, Ísafold, félag ungs fólks gegn ESB-aðild, Herjan, félag stúdenta í H.Í. gegn aðild að ESB, Vinstrivaktin gegn ESB og Þjóðráð.
 
Slóðin að vefnum Nei við ESB er www.neiesb.is

Athugasemdir

[Valdimar Samúelsson, 20.3.2013 kl. 21:28]

Þarfur vefur. Getum við ekki safnað atkvæðum strax og stuðlað líka að þjóðarkosningu með alþingiskosningunum næstkomandi.

[Rafn Guðmundsson, 20.3.2013 kl. 22:05]

glæsilegt - núna getið þið bullað uppí hvorn annan - og fengið jákvæð comment

[Valdimar Samúelsson, 20.3.2013 kl. 22:15]

Skil þig ekki rafn???

[Elle_, 20.3.2013 kl. 22:40]

Valdimar, það ætti bara að stoppa þetta í alþingi eins og það hófst í júlí, 09.