.... og Össur er að yngjast ...

Það er jafnmikið til í því að evrusvæðið sé að styrkjast og að Össur, eða aðrar mannlegar verur, eða lífverur yfirhöfuð, séu að yngjast. Það að segja að evrusvæðið sé að styrkjast nú er svona álíka og segja að kappakstursbíll sem lent hefur í hverjum árekstrinum á fætur öðrum sé stöðugt að styrkjast og að hann muni koma fyrstur í mark í kappakstrinum.

Þetta er líka svona álíka og að Össur hafi sagt þegar hann forðum ungur maður um tvítugt - og efnilegur uppfræðari og blaðamaður - kastaðist útbyrðist af tappatogaranum Kofra sem skoppaði á öldunum á Vestfjarðamiðum og var dreginn snarlega upp aftur af röskum Súðvíkingum og Ísfirðingum þar sem hann lá flæktur í trollinu - þá hafi hann spýtt út úr sér þaranum og sagt: Ég stakk mér á eftir þorskinum, strákar!

Grikkland, Írland, Portúgal, Spánn, Ítalía og Kýpur. Allt þetta hefur bara styrkt evrusvæðið að mati Össurar. En hvað skyldi almenningur í þessum löndum segja? Fylgist Össur með fréttunum? Hann segist lesa Moggann reglulega í meðfylgjandi frétt. En hefur hann til dæmis lesið nýlegan pistil sem Hörður Ægisson blaðamaður á Morgunblaðinu skrifaði í blaðið í vikunni um ástandið á Kýpur og á evrusvæðinu?

Við skulum nú samt vona að ástandið fari nú að skána sem fyrst á evrusvæðinu. En í ljósi efnahagslegs stöðumats utanríkisráðherrans á evrusvæðinu og trúar hans á eigin hagspágáfu er vert að rifja upp hvað hann sagði sjálfur um kunnáttu sína á þessum sviðum eins lesa má um í skýrslu Rannsóknarnefndar Alþingis um bankahrunið.

Af tillitssemi við þá sem telja að nú skuli hlífa en eigi höggva skal lesendum eftirlátið að leita þessi ummæli uppi.

Evrusvæðið að styrkjast

Athugasemdir

[Pétur D. (IP-tala skráð) 23.3.2013 kl. 11:38]

Ég hef verið að leita að einhverjum fréttum af þessari síðustu ælu frá Össuri á norskum netmiðlum, en get aðeins fundið eldri ummæli hans. Staðreyndin er sú að það tekur enginn fullvita Norðmaður mark á Össuri, þeir vita að hann er fífl. Þeir einu sem hlusta á hann eru pólítíkusar í norskum systurflokki Samfylkingarinnar, Arbeiderpartiet.

Ef lesnar eru athugasemdir við eldri fréttir af staðhæfingum Össurar um ESB, allt aftur til 2009, þá eru þær harkalegar í garð Össurar, en ESB-andstaðan fær fullan stuðning þessara Norðmanna. Sérstaklega hefur það stórmóðgað Norðmenn, þegar Össur hefur lýst því yfir að hann berðist fyrir því að Ísland og Noregur færu saman inn í ESB, enda óviðeigandi afskipti af norskum innanríkismálum. Til dæmis:

"Island må gjerne gå inn i EU

...men å dra med seg Norge inn er vel drøyt. Islendingene må gjøre som de vil, men jeg syns det er drøyt at et land som ikke har flere innbyggere enn Møre og Romsdal fylke, skal bestemme hva vi skal gjøre i forhold til EU. De får rydde opp i eget hus, så får vi styre vårt. Skal det søkes EU-medlemskap, så skal vi ha folkeavstemming om det, slik som vi har gjort to ganger tidligere. Noe helt annet er det om vi kan styrke det nordiske samarbeidet, og kanskje fått Sverige, Danmark og Finland ut av EU, og inn i et tettere nordisk samarbeid. Men EU? NEI TAKK!"

Þegar Össuri verður sparkað úr utanríkisráðuneytinu eftir næstu kosningar, þá fær hann amk. ekki að ferðast um á kostnað skattgreiðenda í þeim tilgangi að afhjúpa heimsku sína í öllu milli himins og jarðar, sérstaklega fáfræði sína um ESB og evruna.

[Guðmundur Ásgeirsson, 23.3.2013 kl. 13:53]

Er þetta ekki sá sem stóð allsber í sturtunni og sagðist ekki hafa hundsvit á fjármálum eða eitthvað svoleiðis?

Jájá, fínt ef hann heldur að þetta sé að styrkjast eitthvað. Hélt hann ekki líka síðast að Geir og félagar myndu redda málunum?

Guð blessi Kýpur.