Skuldir í Eistlandi tvöfölduðust vegna evrunnar

Skuldir ríkisins í Eistlandi nær tvöfölduðust í fyrra vegna þátttöku Eista í björgunarsjóði ESB sem koma á til hjálpar skuldþyngdum ríkjum á evrusvæðinu. Skuldir eistneska ríkisins jukust frá ríflega 6 prósentum af vergri landsframleiðslu á árinu 2012 í rúmlega 10 prósent í fyrra. Rekstur ríkisins var að öðru leyti nokkurn veginn í jafnvægi.

Haft er eftir Agnesi Naarits, sérfræðingi eistnesku hagstofunnar í þessari frétt EUbusiness að meginástæðan fyrir auknum skuldum ríkisins sé þátttakan í björgunarsjóðnum EFSF ásamt fjárfestingum í vegum.

Athugasemdir

[Ásmundur (IP-tala skráð) 31.3.2013 kl. 11:01]

Að skuldir Eistlands hafi tvöfaldast vegna evrunnar, eins og kemur fram í fyrirsöginni, er víðs fjarri öllum sanni.

Eins og kemur fram i fréttinni er evrukostnaðurinn aðeins hluti þessa kostnaðar auk þess sem 67% hækkun er langt frá því að vera tvöföldun.

Þegar skuldir eru litlar verður lítil hækkun há í prósentum. Hér er um að ræða hækkun upp á 4% af vergri landsframleiðslu.

Ekki kemur fram hve stór hluti aukningarinnar sé vegna evrunnar heldur aðeins að sá kostnaðarliður sé stærstur ásamt vegagerð. Kostnaður vegna evrunnar gæti því verið 1% af vlf eða minna.

Það er ekki mikið miðað við þá tryggingarvernd sem verið er að greiða fyrir.

[Heimssýn, 31.3.2013 kl. 12:06]

Rannsókn leiðir í ljós að þetta séu 1,9 milljarðar evra af 2,2 milljörðum sem skuldaaukningin var - sjá hér: http://www.efsf.europa.eu/attachments/faq_en.pdf 

Varðandi bloggið: Stundum þarf að rúnna af og stytta. Fyrirsögnin í ívitnuðum fjölmiðli segir: Estonia's debt nearly doubles due to eurozone bailout fund. Síðan segir: Estonia's national debt nearly doubled last year, in part due its involvement in the European Financial Stability Facility (EFSF) created to bailout debt-laden eurozone members like Greece, Statistics Estonia said on Thursday. Og svo segir: She pointed to Tallinn's involvement in the EFSF and motorway investments as being the biggest reasons behind the jump in the debt.

Út frá þessu verður ekki ályktað öðru vísi en svo að langstærsti hluti af skuldaaukningunni sé vegna framlaga Eista í Björgunarsjóðinn.

[Ásmundur (IP-tala skráð) 31.3.2013 kl. 13:50]

Að sjálfsögðu átti ég við fyrirsögn Heimssýnar en ekki erlendu fréttarinnar. Fyrirsögn Heimssýnar er víðs fjarri öllum sanni. 

Hlekkurinn sem vísað er á fjallar um EFSF en ekki skuldaaukningu viðkomandi ríkja. Það er því ekki hægt að draga af henni neina ályktun um hve framlag Eista í björgunarsjóðinn er hátt hlutfall skuldaaukningarinnar.

Þar eð framlag í EFSF og til hraðbrautagerðar eru nefnd sérstaklega sem stærstu liðirnir má gera ráð fyrir að þeir séu ekki fjarri því að vera af sömu stærðargráðu.

Það stendur því óhaggað að framlag Eista í björgunarsjóðinn geti verið 1% af vlf eða minna. Miðað við þá gífurlegu tryggingarvernd sem það veitir er það ekki mikið. 

[Heimssýn, 31.3.2013 kl. 17:09]

Erlendi miðillinn segir að skuldir hafi nær tvöfaldast vegna framlaga í björgunarsjóðinn. Það munar ekki miklu á því og því sem sagði í blogginu hér að ofan.

[Ásmundur (IP-tala skráð) 31.3.2013 kl. 18:57]

"Erlendi miðillinn segir að skuldir hafi nær tvöfaldast vegna framlaga í björgunarsjóðinn."

Fyrirsögn erlenda miðilsins er ekki i samræmi við fréttina sjálfa enda er aðeins hluti skuldaukningarinnar vegna björgunarsjóðsins.

Niðurlag bloggs Heimssýnar er í samræmi við fréttina. Fyrirsögnin og upphafið eru það hins vegar ekki.

Kostnaður vegna björgunarsjóðsins er hugsanlega aðeins brot af skuldaukningunni enda ekki hægt að ráða af fréttinni hve stór hluti skuldaaukningarinnar er vegna hans.

Þegar skuldir eru litlar er villandi að tala um aukningu skulda sem prósentu af fyrri skuldum. Tvöföldun skulda er þá lítil aukning þó að prósentan sé há.

Það er því eðlilegra að miða við verga landsframleiðslu.

[Heimssýn, 31.3.2013 kl. 20:20]

Ef þú skoðar þetta sem hlutfall af vergri landsframleiðslu verður þetta líklega hærri tala ef allt er látið leggjast á eitt ár, eða nálægt 9% af landsframleiðslu sem er skuldbinding Eista.

Þessi skuldbinding var sérstaklega þung fyrir Eista eins og meðfylgjandi frétt ber með sér.

[Ásmundur (IP-tala skráð) 1.4.2013 kl. 07:56]

Nei, þarna er verið að tala um skuldaábyrgð en ekki skuldir.

Skv upphaflegu fréttinni hækkuðu skuldir Eistlands i fyrra úr rúmlega 6% í rúmlega 10% af vergri landsframleiðslu.

Það er um 4% hækkun. Aðeins hluti af því, óvíst hve mikið, er vegna björgunarsjóðsins.