Skýr meirihluti gegn ESB-aðild

Niðurstaða kosninganna er skýr hvað ESB-málið varðar. Þeir flokkar sem eru andvígir inngöngu í ESB eru í yfirgnæfandi meirihluta. Þeir fengu 71% þingsæta og 66,3% stuðning í kosningunum sjálfum. Eini flokkurinn sem er fylgjandi aðild að ESB fékk 14% þingsæta og 13% stuðning í kosningunum. Aðrir flokkar hafa annað hvort óljósa stefnu eða eru opnir á ýmsar leiðir.

Miðað við þessa niðurstöðu kosninganna er það mjög skýr pólitískur vilji meðal íslensku þjóðarinnar að það eigi ekki að ganga í Evrópusambandið.

Þess vegna er eðlilegt að viðræðunum verði hætt sem fyrst.

Áhugaverðar vangaveltur um stöðuna er meðal annars að finna á Evrópuvaktinni og Vinstrivaktinni.

Í þessu samhengi er einnig athyglisvert að sjá að mjög skýr meirihluti er gegn ESB-aðild í Noregi.

20,2% fylgjandi aðild en 69,5% á móti

Athugasemdir

[Flowell (IP-tala skráð) 30.4.2013 kl. 12:03]

Vonandi verður það fyrsta verkefni nýrrar ríkisstjórnar að draga þessa umsókn tilbaka. Hún hefur valdið mikilli óvissu í íslensku þjóðfélagi og tafið mikið fyrir innlendum efnahagsbata vegna óvissunnar.