Af hverju er ríkisútvarpið alltaf svona neikvætt?

Af hverjur er ríkisútvarpið alltaf svona neikvætt um þróunina á evrusvæðinu og í Evrópusambandinu þessa dagana? Svona spyrja sumir þeir sem hafa litið vonaraugum til ESB og evrunnar. Svarið er einfalt. Það er ekkert sérlega jákvætt að gerast á svæðinu og þess vegna flytur RUV okkur vondar fréttir þaðan.

Þannig sagði RUV frá í hádegisfréttum:

„Áfram er búist við miklu atvinnuleysi á evrusvæðinu á þessu ári og því næsta enda stefnir í að efnahagssamdrátturinn þar nemi 0,4% á árinu. Fjárlagahalli þriggja af fimm stærstu hagkerfum svæðsins verður umfram heimildir.

Framkvæmdastjórn Evrópusambandsins birti í morgun hagspá sína og þótt hún sé kennd við vorið kveður þar við heldur kuldalegan tón. Í fyrsta lagi er búist við að efnahagssamdrátturinn verði meiri á þessu ári en búist var við, 0,4 prósent í stað 0,3 prósenta. Árið 2014 er búist við 1,2 prósenta hagvexti á evrusvæðinu en það er ekki talið nóg til að verulega dragi úr atvinnuleysi. Útlit er fyrir að tólf prósent vinnufærra manna verði án atvinnu í evruríkjunum á þessu ári.

Fjárlagahalli Ítalíu rétt innan marka

Athygli vekur að fjárlagahallinn í Frakklandi, Spáni og Hollandi, þremur af fimm stærstu hagkerfum evrusvæðisins, verður á þessu ári umfram þær heimildir sem ESB setur aðildarríkjunum, að hámarki þrjú prósent af landsframleiðslu. Ítalía er aftur á móti rétt innan þessara marka. Olli Rehn, efnahagsmálastjóri ESB, tilkynnti á blaðamannafundi í Brussel í morgun að Frakkar fengju tvö ár til viðbótar til að rétta þennan halla af, og kom sú yfirlýsing á óvart að mati dagblaðsins Financial Times.

Kýpverska hagkerfið dregst saman um 12,6%

Í hagspánni koma fram í fyrsta sinn útreikningar ESB á afleiðingum bankakreppunnar á Kýpur. Kýpverska hagkerfið dregst líklega saman um 8,7 prósent á þessu ári og 3,9 prósent á því næsta, samtals um 12,6 prósent. Grikkir geta aftur á móti vænst lítils háttar hagvaxtar árið 2014 eftir undangengin harðindaár.“

Athugasemdir

[Hilmar (IP-tala skráð) 3.5.2013 kl. 15:59]

Í þessu fámenna og strjálbýla landi hefur ættfræði verið sérstakt áhugamál um aldir. Það er því eðlilegt að velta því fyrir sér, hvort þetta fólk, sem biður um meiri jákvæðni, sé skylt fólkinu (þó ekki væri nema andlega) sem sem kvartaði yfir neikvæðri umræðu í aðdraganda hrunsins.

Fyrir hrun voru öll merki um að þjóðin hefði farið fram úr sér, og lagt trúnað á fólk sem hafði ekki hundsvit á efnahagsmálum, eða var jafnvel þannig innréttað að skyndigróði þeirra sjálfra væri meira áríðandi en fjárhagsleg heilsa landsins.

Það eru öll merki um gríðarlega erfiðleika í ESB, að evran sé ónýt til þess sem henni er ætlað, og að niðurskurður og skattahækkanir auki samdrátt í réttu hlutfalli. Hann má vera illa blindur sem ekki sér samhengi hlutanna, nærri 30% atvinnuleysi þar sem það er verst ætti að vera fólki merki um að ekki sé allt í sóma í Oklahóma.

Not all is lost, Jónas Kristjánsson, sá orðljóti fyrrverandi fréttamaður, sem aldrei á (átti?) falleg orð yfir andstæðinga ESB, hefur séð ljósið. Það kemur að hinum með tíð og tíma. Jafnvel sá heimskasti meðal vor, á sér viðreisnar von.

[Hilmar (IP-tala skráð) 3.5.2013 kl. 16:13]

Bakþankar:

Þegar maður hugsar málið aðeins betur, verður manni ljóst að ofangreindar pælingar þarnfast nánari og vísindalegri skýringa. Það er náttúrulega ljóst að Jónas Kristjánsson hefur verið manna fúlastur og neikvæðastur í gegnum tiðina, nema þegar kemur að ESB. Það er honum því kannski eðlislægt að komast að neikvæðri niðurstöðu í ESB málinu, svona þegar hann hugsar það betur.

Það eru því ákveðnar bendingar um að vandan megi rekja til hugarfars, ekki endilega greindar. Þeir sem ganga um með stirnað bjarsýnisbros eru kannski líklegri til að komast að rangri niðurstöðu, að innihaldslaus jákvæðni sé myllusteinn um háls.

Það ætti því kannski að vera forgangur hjá okkur, að segja fólki sem gerir sífelldar kröfur um að fólk sé "jákvætt og skemmtilegt", að þegja.