Evran dregur Pólverja niður

Eins og þessi frétt ber með sér þá er evran að draga Pólverja niður jafnvel þótt þeir séu ekki komnir með þann gjaldmiðil enn. Ófarir evrunnar valda nú efnahagssamdrætti í Póllandi.

Það er hluti af samningi Pólverja við ESB að þeir skulu taka upp evru í fyllingu tímans. Harðar deilur eru þó um það í Póllandi. Meirihluti þingmanna og almennings vill ekki taka það í mál. Stjórnin verður hins vegar að vinna að upptöku evrunnar.

Evran veldur hægagangi efnahagslífsins um alla álfuna, hvort sem þjóðir nota þennan gjaldmiðil beint eða ekki.

Evrópa dragbítur á Póllandi

Athugasemdir

[Teitur Haraldsson, 17.5.2013 kl. 09:11]

Það má greinilega túlka það sem skrifað er á marga vegu.

Ég sé ekki það sé verið að kenna evrunni um vandamálið.
Og það er heldur ekki gert í upprunalegu greininni.

[SonK (IP-tala skráð) 17.5.2013 kl. 15:24]

Ég bara bíð rólegur eftir að þið farið að kenna evrunni um óveður, jarðskjálfta og fuglaskít á bílrúðum. Það getur varla verið langt í það miðað við núverandi rökþrot og alla spádómana sem ekki rættust.

[Heimssýn, 17.5.2013 kl. 15:35]

Það kemur sjaldnast allt fyrir í stuttri frétt. Evrusamstarfið er ein meginástæðan fyrir hægaganginum í Evrópu, einkum og sér í lagi á jaðarsvæðunum, en það er líka farið að hafa áhrif á svæðið í heild. Ýmsir utan evrusvæðisins eru farnir að finna fyrir þessu, svo sem Pólverjar. Í gögnum íslenskra hagstofnana kemur líka fram að samdrátturinn á evrusvæðinu sé ein helsta ógnin við vöxt íslensks efnahagslífs.