Sigmundur Davíð segir krónuna og fiskinn bjargvætti

Sigmundur Davíð Gunnlaugsson forsætisráðherra segir krónuna vera einn þeirra þátta sem hefur hjálpað Íslandi út úr kreppunni og að nýta eigi áfram þá möguleika sem krónan veitir til bjargar út úr þeim erfiðleikum sem enn blasa við.

Þetta kom fram í viðtali Sigurjóns M. Egilssonar á Sprengisandi Bylgjunnar í morgun.

Í þættinum undirstrikaði Sigmundur einnig mikilvægi neyðarlaganna svokölluðu á sínum tíma. Þá sagði Sigmundur að með sjálfstæðum gjaldmiðli, þ.e. krónunni, væri hægt að leysa mun betur en ella þann vanda sem fylgir svokallaðri snjóhengju, þ.e. þann vanda sem krónueign erlendra aðila skapar.

Í þættinum undirstrikaði Sigmundur einnig hversu mikilvægar fiskveiðar og fiskvinnsla væru Íslendingum og að góður gangur í þeim atvinnugeirum væru einnig að hjálpa Íslendingum út úr kreppuvandanum.

Sem sagt: Sjálfstæður gjaldmiðill og trygg yfirráð landsmanna yfir fiskveiðiauðlindinni eru grundvallaratriði sem við eigum ekki að gefa eftir í samskiptum við aðrar þjóðir. Það er lífsspursmál að þjóðin geti notið afraksturs fiskveiðiauðlindarinnar sem best, hér eftir sem hingað til.

Athugasemdir

[Ægir Óskar Hallgrímsson, 30.6.2013 kl. 11:48]

Skemmtilegt og gott viðtal við Sigmund....annars að efnahagnum..við Íslendingar þurfum bara taka til í okkar fyrirtækjum...reka þetta eins og á að reka fyrirtæki...ekki skuldsetja of mikið.