Mentolbragð nú bannað í ESB

Nú hefur Evrópuþingið bannað vindlinga með mentolbragði. Verslunarmenn segja að slíkur varningur sé ekki vinsæll hér á landi, en þó helst meðal eldri reykingamanna.

Ekki fylgir sögunni hvort búið sé að banna munntóbak (snus) með bragðefni, líkt og var í umræðunni nýverið.

Markmiðið með banninu er að draga úr reykingum hjá ungu fólki.

Spurningin er hvort þess verði langt að bíða þar til ESB muni banna sölu á öllu tóbaki?

Visir.is fjallar um þetta í dag.

Athugasemdir

[Kolbrún Hilmars, 11.7.2013 kl. 15:17]

Næst bannar ESB eflaust Omega 3.  

En hvað er annars með þetta apparat; lagði sambandið upp með að banna alla skapaða hluti með tíð og tíma, eða er þetta seinnitíma úrræði til þess að sanna að einhverjir séu að vinna fyrir kaupinu sínu?

[Gunnlaugur I., 11.7.2013 kl. 23:09]

Boð og bönn í nafni almættisins.

Austur Þýska kommúnista stjórnin bannaði líka Kóka Kóla á sjönda áratugnum þar sem að rannsóknastofur Alþýðulýðveldisins höfðu fundið mörg andlega skaðleg snefilefni í drykknum sem stóðu andlegum og líkamlegum þroska fólks fyrir þrifum !

[Helga Kristjánsdóttir, 12.7.2013 kl. 02:51]

Nú skal Esbéið ekki vera minna en páfinn,sem bannar verjur. Markmiðin með banninu höfða til ungs fólks,sem Esbéið ætlar að verja.