Íslenska sumarið er dásamlegt og engu líkt

Ferðamenn fylkja liði til Íslands sem aldrei fyrr, þökk sé íslenskri náttúru, íslensku veðurfari, óbilandi bjartsýni Íslendinga og hagstæðu gengi íslenskrar krónu sem knýr okkur út úr efnahagslægðinni.

Það er engin lægð í hjörtum þessara glöðu ferðamanna sem hingað streyma, né þeirra fjölmörgu Íslendinga sem arka upp um fjöll og firnindi, suður firði eða út á nes. Það jafnast ekkert á við þetta dýrindis veður á Norðausturlandinu sem verið hefur, né hressandi úðann í loftinu hér fyrir sunnan og blæinn sem frískar þreyttar sálir jafnt sem viðkvæmar jurtir.

Að fólk sé að flýja í mengunina og sollinn í yfirfullum Evrópuborgum - er það ekki bara lævís áróður?

Veðurbarða Íslendinga dreymir um Evrópu

Athugasemdir

[Gunnar (IP-tala skráð) 12.7.2013 kl. 19:57]

Hvaða mengun er verið að tala um hér? Ekki er sú gula slæða sem liggur yfir Reykjavík nokkuð betri. Sést vel vissa daga.

[Sigurður Þór Guðjónsson, 12.7.2013 kl. 20:03]

Það er ósköp asnalegt að jafna veðrinu á síðustu dögum saman á norðausturlandi og suðvesturlandi og telja hvort tveggja jafn frábært. Á Íslandi eru reyndar aldrei nein sumur í evrópskum skilningi.