Matvæli eru ódýrust hér á landi

Matarkarfan er ódýrust á Íslandi af Norðurlöndunum. Sérstaklega er tekið til þess að verð á kjöt- og mjólkurvörum sé lægra á Íslandi en í nokkru öðru Norðurlandanna.

Viðskiptablaðið greinir frá þessu og vitnar til könnunar á vegum Eurostat og OECD.

Í könnuninni er verðið umreiknað svo það sé samanburðarhæft miðað við kaupmátt.

Viðskiptablaðið segir svo frá:

Mikill munur er á matvöruverði innan ESB. Ódýrust er matarkarfan í Póllandi, eða 61% af meðaltali ESB, en dýrust í Danmörku þar sem verðið er 43% hærra en að meðaltali í ESB. Verð á kjöt- og mjólkurvöru er lægra á Íslandi en í nokkru öðru Norðurlandanna. Matvaran er þó um 18% dýrari en að meðaltali í ESB.

Svo er vitnað í Finn Árnason, forstjóra Haga og varaformann Samtaka verslunar og þjónustu:

„Íslensk verslun er að bjóða marga vöruflokka á hagstæðu verði í samanburði við nágrannalöndin,“ segir Finnur.

Athugasemdir

[Jón Bjarni Steinsson (IP-tala skráð) 13.7.2013 kl. 16:54]

Hvernig ætli þessi samanburður líti út ef miðað er við kostnað sem hlutfall af ráðstöfunartekjum..?

Það er kannski aukaatriði

[Gunnlaugur I., 14.7.2013 kl. 14:36]

Jón Bjarni Steinsson - Auðvitað væri lítið gagn í lágu matarverði ef að stærstur hluti launana færi samt sem áður í þessi innkaup.

Þess vegna segir sú hlutfallslega mæling miklu meira en þessi ein og sér.

En mælingar á því hvað hátt hlutfall ráðstöfunartekna fer í matarinnkaup hefur líka leitt í ljós að á Íslandi er það mjög lágt hlutfall samanborið við flest önnur Evrópulönd.

Þannig að það er sama á hvermig þetta er litið þá er Ísland utan ESB og án Evru að koma mjög vel út í þessum samanburði öllum !

Það er virkilega ánægjulegt.