Hvað gerist í evrulandinu Slóveníu?

Evrulandið Slóvenía hefur átt í talsverðum efnahagserfiðleikum. Í vikunni kemur í ljós hvort stjórnvöld þar hafi nægilegt fé til að bjarga bönkum landsins eða hvort þau þurfi að leita til AGS.

RUV.is greinir frá þessu. Þar segir enn fremur: 

Stjórnvöld hafa til reiðu 4,7 milljara evra, jafnvirði um 760 milljarða króna, en fjölmiðlar í Slóveníu telja að það þurfi á bilinu 4-5 milljarða evra til að bjarga bönkunum.

Fréttastofan AFP hefur eftir Davorin Kracun, prófessor í hagfræði við Maribor-háskóla, að ekki sé nóg að treysta stöðu bankanna, ryðja verði úr vegi ýmsum hindrunum sem torveldi árangur í efnahagsmálum, meðal annars vegna skuldabyrði fyrirtækja og skorts á erlendum fjárfestingum.

Alenka Bratusek, forsætisráðherra Slóveníu, hefur á undanförnum vikum heimsótt nokkur Evrópuríki í leit að kaupendum á 15 ríkisfyrirtækjum sem til stendur að einkavæða.

Athugasemdir

[Ásthildur Cesil Þórðardóttir, 12.12.2013 kl. 11:42]

Maribor er skemmtileg borg, og var ein af menningarborgum Evrópu á svipuðum tíma og Reykjavík.  Við hjónin skruppum þangað fyrir nokkrum árum.  Þar blandast vel gamli og nýji tíminn, með nútíma tískuverslunum og gömlu húsin í bland.