Rekum undanhald ESB í makríldeilunni

Ljóst er af þróun makrílmálsins að ESB hefur farið fram af fádæma frekju. Fyrrverandi sjávarútvegsráðherra, Jón Bjarnason, stóð í lappirnar og þróunin hefur verið með hans sjónarmiðum. Eins og í ýmsum öðrum málum hefur þróunin verið hliðholl ítrustu kröfum Íslendinga. Mikilvægt er að núverandi sjávarútvegsráðherra gæti vel að hagsmunum Íslendinga.

Ný vitneskja um aukna stofnstærð makríls veitir Íslendingum nýja vígstöðu í málinu. Það er ekki lengur ástæða til að sætta sig við aðeins um 12% aflahlutdeild eins stjórnvöld hér virðast hafa verið tilbúin að fallast á. Miklu nær er að miða við kröfu fyrrverandi sjávarútvegsráðherra um 16-17% hlut. 

ESB hefur ekkert umboð til að haga sér með þeim hætti sem það hefur gert í makríldeilunni. Makrílstofninn hefur verið í vexti í íslenskri lögsögu. ESB hefur beitt hótunum og ólögmætm yfirgangi bæði gagnvart Íslendingum og Færeyingum. ESB sækist eftir viðurkenningu sem drottunarþjóð á Norður-Atlantshafi, eins og Jón Bjarnason hefur nefnt.

Íslendingar eiga aldrei að gangast undir slíkt. 

 

Mikið ber á milli í makrílnum