Útlit fyrir að þýskur evruandstæðingaflokkur fá í fyrsta sinn sæti á ESB-þinginu

Útlit er fyrir að flokkur andstæðinga evrunnar fá í fyrsta sinn sæti á þingi Evrópusambandsins, eins og fram kemur í meðfylgjandi frétt mbl.is.

Stjórnmálaflokkurinn AfD (Alternative für Deutschland) mælist með 7% fylgi í Þýskalandi samkvæmt niðurstöðum nýrrar skoðanakönnunar sem gerð var af fyrirtækinu Emnid fyrir þýska dagblaðið Bild am Sonntag. Könnunin var gerð í tilefni af kosningunum til Evrópuþingsins sem fram fara í maí næstkomandi.

Fram kemur í frétt AFP að flokkurinn þurfi í það minnsta 3% til þess að fá sæti á Evrópuþinginu en hann er gagnrýninn á Evrópusambandið og einkum og sér í lagi þátttöku Þjóðverja í evrusvæðinu. 

Til þessa hefur verið lítill áhugi á kosningunum til ESB-þingsins í maí. Kannski tilkoma þessa þýska evruandstæðingaflokks verði til þess að auka áhugann á þeim. 

Þýskir evruandstæðingar með 7% fylgi

Athugasemdir

[Haukur Kristinsson (IP-tala skráð) 27.1.2014 kl. 15:52]

Þið villið fyrir fólki eins og fyrri daginn.

AfD hefur ekki lengur andstöðu við Evruna efst á lista, heldur andstöðu við útlendinga, hælisleitendur í Þýskalandi. Flokkurinn er því kominn í hóp með ný-nasistum.

En þetta hrífur kjánana á klakanum.

[Heimssýn, 27.1.2014 kl. 20:24]

Uss, uss, Haukur góður. Við erum bara að benda á fréttina í Mogganum. Það er svo kunn staðreynd að það er megn óánægja víða með evruna - og sums staðar það mikil að menn vilja losna við hana. Á öðrum stöðum eru menn að berjast við afleiðingar evrunnar - og það kostar sitt meðal annars í atvinnuleysi og aukinni fátækt.

[Haukur Kristinsson (IP-tala skráð) 27.1.2014 kl. 21:47]

"Bara að benda á fréttina í Mogganum"

Mikill er ykkar metnaður!

[Heimssýn, 27.1.2014 kl. 22:32]

Ef þú fylgist með því, Haukur, sem við gerum þá sérðu að efnið er fjölbreytilegt og af ýmsu tagi.

[Óskar, 28.1.2014 kl. 04:04]

Ef flokkur Evruandstæðinga hefur 7% fylgi þá skulum við bara gefa okkur að Evrópusinnar í Þyskalandi hafi 93% fylgi.  Þarf eitthvað að ræða málið meira ?  Reyndar athyglisvert að  í nánast öllum ríkjum ESB er mikill meirihluti íbúa ánægður með veru sinnar þjóðar í ESB- en þið eruð ekki mikið að birta þær tölur hér.  Enda eruð þið talsmenn forréttindastéttar, einangrunarsinna, afturhaldssinna og umfram allt kjána.

[Heimssýn, 28.1.2014 kl. 13:19]

Óskar og Haukur virðast vera hluti af alþjóðlegri hreyfingu sem sjá má víða í fjölmiðlum í Evrópu þessa dagana sem kalla alla þá sem efast um gjörðir og þróun ESB sem bjána eða kjána.

Við hér í Heimssýn erum að reyna að halda úti upplýstri og málefnalegri umræðu um ýmislegt sem varðar ESB. Lengi vel kölluðu ESB-sinnar eftir málefnalegri umræðu og meiri umræðu um ESB-málin.

Nú er svo komið að það verður ekki þverfótað fyrir hrokafullum og dónalegum athugasemdum ESB-sinna, hvorki á vefjum hér á landi né víða erlendis. Nú virðast ESB-sinnar, eins og Óskar og Haukur, ekki þola upplýsingar og umræðu - eins og skoðanasystkin þeirra kölluðu þó eftir fyrir nokkru - heldur grípa til ómálefnalegs skætings.

Þeim væri nær að fylgjast með þeirri miklu bylgju óánægju sem nú kvíslast um Evrópu og veldur miklum ugg meðal ýmissa leiðtoga ESB-landa - nú síðast forsætisráðherra Spánar og Ítalíu: - sjá hér:

http://www.heimssyn.blog.is/blog/heimssyn/entry/1350491/