Evrópustofa og ESB halda áfram að dæla út peningum og áróðri

ESB veitir talsverðum fjármunum í upplýsingastríðið um ESB á Íslandi. Sambandið er með skrifstofu sem er á við stærstu sendiráð og hefur auk þess veitt hundruðum milljóna króna í áróðursstríð fyrir því að Ísland gerist aðili að ESB.

Jón Valur Jensson fjallar um þetta í nýlegum pistli á Fullveldisvaktinni. Hann segir:

 

Fjárhagur Evrópustofu margfaldur á við það sem sagt var í upphafi?! Styrkir hennar (ætlaðir til áróðurs) fara víða til að hafa áhrif á hugi manna!

Halldóra Hjaltadóttir stjórnmálafr.nemi og Erna Bjarnadóttir, hagfræðingur BÍ, voru í viðtali á Útvarpi Sögu þennan mánudag. Þar kom fram, að "Evrópustofa" fær árlega (til brúks og dreifingar) 700.000 evrur. Þetta eru 109.942.000 kr. m.v. núv. gengi. Samt var í upphafi talað um, að Evrópustofa fengi í heild 230 millj. kr. En 110 millj. á hverju ári eru strax á 3. ári komnar fram úr þeirri upphæð!

Hér virðist ausið inn ómældu magni af áróðurs- og upphitunarfé úr sjóðum Evrópusambandsins, í miklu meiri mæli en menn töldu í upphafi. Takið eftir, að þar er ekki verið að ræða um IPA-styrki, aðeins fjárhagsveldi "Evrópustofu"!

Halldóra nefndi, að ungir jafnaðarmenn, ungir framsóknarmenn, ungmennafélög, stúdentaráð, skátarnir, tvær kirkjur o.fl. aðilar hefðu fengið styrki frá Evrópustofu!

Það er greinilegt, að allar leiðir eru reyndar til að kaupa sig inn á Íslendinga, og lík var einmitt reynsla fleiri þjóða sem hurfu inn í þetta stórveldi, oft á naumum meirihluta atkvæða í lokin, og þegar svo sumar þjóðirnar sáu sig um hönd eftir á (eins og Svíar), þá var ekki hægt að snúa til baka!

Þá er rétt, að fram komi, að hin sama "Evrópustofa" (= Evrópusambands-áróðursstofa) sendi fyrir skemmstu starfsmenn sína í vinnustaðaheimsókn í Samherja, til að kynna Evrópusambandið og nýja sjávarútvegsstefnu þess (sem hefur þó alls ekki verið samþykkt!) fyrir starfsfólki fyrirtækisins í Reykjavík. Ennfremur er Evrópustofa með "námskeið" fyrir meðlimi ASÍ og BSRB um ESB í samstarfi við Félagsmálaskólann, og ber það heitið "Hvernig starfar ESB?"

Allt er greinilega reynt til að útbreiða áróður til að mýkja veikgeðja Íslendinga til að gleypa við flugum ESB, en áður höfðu sendiherrar ESB og útþenslumálastjórinn fyrrverandi, Olli Rehn, reynt með afar gagnrýnisverðum hætti að hlutast til um íslenzk innanríkismál, eins og áður hefur verið frá sagt.

Í framhjáhlaupi má geta þess, að Halldóra Hjaltadóttir, sem er formaður Ísafoldar, félags ungs fólks gegn ESB-aðild, upplýsti m.a. í þættinum að hún sendiFréttablaðinu grein um ESB-mál til birtingar, en fekk hana ekki birta. Einnig hefur félag hennar sent 5 ályktarnir til fjölmiðla. Fjórar af þeim birtust í Morgunblaðinu, en engin í Fréttablaðinu! Þetta er dæmigert fyrir hlutdrægni og ESB-þjónkun þess fjölmiðils, sem í viku hverri er með margvísleg þókknunarskrif í þágu Evrópusambandsins. 

 

Evrópustofa gæti starfað fram til 2015

Athugasemdir

[Snorri Hansson, 27.3.2014 kl. 18:10]

Nú vitum við að skólar sem fá sér styrki frá ESB þurfi að hafa fána sambandssins jafn áberandi og eigin þjóðfána.

Ætli fána hilling íslenskra skáta hafi eitthvað breyst upp á síðkastið ?  

[Jón Frímann Jónsson, 27.3.2014 kl. 18:38]

Það er lítið mark takandi á þeim sem vitna og taka undir málflutning Jóns Vals Jenssonar. Manns sem bæði hatar samkynheigð og fjölbreytt mannlíf og alla sem eru á móti hans öfgum.

Þar sem Heimssýn er hérna tíðrætt um peninga og áróður. Þá væri nú alveg frábært ef Heimssýn gerði nú grein fyrir þeim peningum sem BÍ, LÍÚ og fleiri hafa verið að láta í þessi samtök þrönsýnisfólks á undanförnum árum. Í þeim tilgangi að dæla út uppskálduðum áróðri og lygum gegn Evrópusambandinu.

Ég minni á að hlutverk Evrópustofu er að fræða fólk á Íslandi um Evrópusambandið. Þar er engan áróður að finna um Evrópusambandið eins og hérna er fullyrt, enda er þessi fullyrðing lygi.

Heimssýn ætti að gera íslendingum þann einn greiða og leggja sig niður. Enda er ljóst að íslendingar hafa ekki efni á þeirri ÞröngSýn sem höfð til hliðsjónar hjá Heimssýn (sem er engin Heimssýn heldur ekkert annað en RörSýn á heiminn).

[Elle_, 27.3.2014 kl. 18:57]

Hvað hatar öfgamaðurinn Jón Frímann ekki?  

Hlutverk hinnar rangnefndu mútuskrifstofu, svokallaðrar 'Evrópustofu' er ekki fræða einn eða neinn.   Hættu að ljúga.

[er ekki lífið dásamlegt? (IP-tala skráð) 27.3.2014 kl. 19:27]

Það má með sanni segja að þegar maður sér ummæli Jóns F. Jónssonar Já - Íslands manns þá kemur manni til hugar tæki sem notuð eru í sveitum þ.e. haugsuga og skítadreifari.

Prívat skoðanir og trúariðkun Jóns V. Jenssonar eru án efa samtökunum Heimssýn óviðkomandi. Endurspeglar umræða Jóns F. Jónssonar alla þá sem byggja samtökin Já - Ísland?

Erum við þá ekki sammála því að sleppa heildar og deildarskekkjum, Jón?

Jón Frímann er tíður gestur á þessari síðu sem og öðrum þar sem hann vænir óhikað mann og annan um öfga og lygi. Allt vegna þess að menn einfaldlega deila ekki skoðunum eða viðhorfum hans til Evrópusambandsins.

Upplýsingar Evrópustofu eiga að vera hlutlægar en ekki hlutlausar - getur spurt framkvæmdarstýru áróðursstofu sambandsins beint að þessu, Jón. Göbbels nokkur stóð líka fyrir því að dreifa hlutlægum en ekki hlutlausum upplýsingum.

Þá er spurning hvaða upplýsingagildi þessi gengdarlausi fjáraustur Evrópustofu hefur, annað en að íhlutast í innanríkismál Íslendinga?

Evrópusambandið getur líka skammast sín fyrir að versla velvild á Íslandi fyrir skattfé íbúa aðildarríkja sem margir hafa verið atvinnulausir í langan tíma og hafa nærst á hjálparsamtökum eins og matarúthlutun Rauða Krossins. Finnst mönnum þetta sjálfsagt?

Þú getur skoðað þetta sjálfur, Jón. Upplýsingarnar eru upp á borði. Hversu mikið hefur runnið til skátanna, Háskóla Íslands, Háteigskirkju, Árbæjarkirkju, Ungmennafélags Íslands, Hafrannsóknarstofnunnar, ungliðahreyfinga/stjórnmálaflokka svo eitthvað sé nefnt.

Þú varst væntanlega viðstaddur aðalfund Já - Íslands samtakanna. Það er vitað mál að samtök iðnaðarins hafa dælt peningum í þann málstað. Ætli félagar samtaka iðnaðarins sem flestir eru andsnúnir ESB - aðild viti um þær upphæðir sem runnið hafa í sjóði Já - Íslands. Var það komið upp í 20 milljónir í september í fyrra?

Er ekki lífið dásamlegt?

[Ómar Bjarki Kristjánsson, 27.3.2014 kl. 22:27]

Það er kominn tími til að Heimssýn opni bókhald sitt og opinbert verði, lið fyrir lið, nákvæmlega, hverjir borga þennan áróðursbrúsa og gengdarlaust própagandaofbeldi gagnvart almenningi í landinu. Þetta verða þeir að gera með góðu eða illu.

[Elle_, 27.3.2014 kl. 22:55]

Jú, þú hinn mikli gáfumaður og sannmælandi ættir að vita um ofbeldi gegn almenningi í landinu. 

Mér finnst orðin sem komu fram að ofangreindu, haugsuga og skítadreifari, passa fullkomlega við ykkur 2, Jón Frím. og þig.  Lygalaupur væri líka við hæfi, en skringilega notið þið það manna mest.  Og ekki bara í þessu máli, en ýmsum öðrum, eins og ICESAVE. 

[Heimssýn, 27.3.2014 kl. 22:55]

Ágætur Ómar Bjarki. Heldur þú að það kosti mikið að kópíera pistil frá hinum ágæta Jóni Vali Jenssyni? Það vill svo til að það er fullt af prýðisgóðu fólki sem tekur saman ágæta pistla sem vert er að vekja athygli á, eins og til dæmis þennan sem birtur var á Fullveldisvaktinni.

[Elle_, 27.3.2014 kl. 23:26]

Að mínum dómi ætti bara að láta hluti flakka við fólk eins og Jón og Ómar að ofan.  Það er óþarfi að hlífa og vera penn við þá sem ganga um með ósannindum og skítkasti að öllum sem vilja ekki leggjast flatir fyrir Brusselvaldinu á öllum stigum, hvað sem okkur er hótað og ógnað. 

[er ekki lífið dásamlegt? (IP-tala skráð) 28.3.2014 kl. 00:48]

Hvet samtökin Heimssýn endregið til þess að eyða ekki orðum í Ómar Bjarka og Jón Frímann.

Fyrst þegar ég byrjaði að lesa bloggfærslur hélt ég að Jón og Ómar væru að trolla, allt þar til þeir urðu virkir í athugasemdum. Þá rakst ég á myndir af honum Jóni á vettvangi Já - Ísland.

Óþarfi að taka mark á þessu hjá þeim. Heimssýn hljóta að vera frjáls félagasamtök og halda trúnað við félagsmenn sína og styrktaraðila. Nákvæmlega eins og öll önnur frjáls félagasamtök á Íslandi. Nema ef þau hafa hlotið ESB - styrk, þá er svoleiðis opinberað á vettvangi Evrópusambandsins. Annað væri gríðarleg spilling, enda verið að eyða skattfé íbúa Evrópusambandsins. Því fjármagni væri betur varið í annað en að t.d. halda uppi bíóhúsi á Hverfisgötunni. Ekki satt?

Elle - ekki leggjast á sama plan og þeir. Við erum á mun hærra plani.

Er ekki lífið dásamlegt?

[Elle_, 28.3.2014 kl. 01:01]

Jú, ég vil endilega koma svona fram við þessa ómerkinga. 

[Elle_, 28.3.2014 kl. 01:08]

Það varst líka þú sem komst fram með lýsinguna haugsuga og skítadreifari.  Ætla ekki að draga úr merkingunni þinni.

[Helga Kristjánsdóttir, 28.3.2014 kl. 13:13]

Elle engin er eins og þú heiðvirða baráttu kona.