Bretar hagnast ekki á ESB

Útflutningur frá Bretlandi hefur ekki aukist til ESB-landa umfram önnur lönd. Þetta kemur fram í nýbirtri skýrslu. Þar koma einnig fram efasemdir um að ESB-þjóðir geti samið um betri viðskiptasamninga en þau ríki sem ekki eru í ESB.

Sérstaka athygli ætti að vekja að vöruútflutningur Breta til Íslands, Noregs og Sviss hefur tvöfaldast frá 1973 til 2012 og þjónustuútflutningur ríflega þrefaldast. 

Skýrsluhöfundar komast að þeirri niðurstöðu að best sé fyrir Breta að líta til svæða utan Evrópu þar sem hagvöxtur er meiri. Þeir segja að ESB haldi aftur af Bretum og að það sé að verða æ meira viðurkennt að telja það æskilegt að Bretar yfirgefi ESB. 

 

Athugasemdir

[Haukur Kristinsson (IP-tala skráð) 5.5.2014 kl. 18:59]

Skýrsluhöfundar eru frá Cavitas. "Right-of-centre think-tank", undir ritstjórn David's G. Green og Anastasia deWale.

Þekktir öfga-hægri rugludallar sem skrifa í íhaldssnepla eins og The Daily Telegraph (Torygraph). Engir taka mark á þessu liði, nema kannski Heimssýn!

[Heimssýn, 5.5.2014 kl. 22:55]

Það er alveg dæmigert fyrir ESB-aðildarsinna að vera með málflutning af þessu tagi. Í stað þess að taka málefnalega á þeim upplýsingum sem liggja fyrir og eru tiltölulega einfaldar ráðast þeir með skætingi og uppnefnum á þá sem benda þá upplýsingarnar. Áður fyrr kölluðu ESB-aðildarsinnar eftir málefnalegri umræðu. Það virðist að miklu leyti liðin tíð.