Reglugerð um sjálvirkar kaffikönnur hitamál í ESB-kosningum í Danmörku

Það var fróðlegur þáttur í danska sjónvarpinu í gærkvöldi, DR1, um kosningarnar til ESB-þingsins sem fara fram í Danmörku um næstu helgi. Danir kjósa þá 13 af 751 fulltrúa á ESB-þingið. Talsvert var í þættinum rætt um reglusetningu ESB um aðskiljanlegustu hluti og þótti bæði frambjóðendum og dönskum almenningi afskipti ESB almennt vera fullmikil.

Birt var niðurstaða skoðanakönnunar í þættinum og þar kom fram að um sjötíu prósent Dana vildu að áhrif ESB á lög og reglur væru minni.

Aðeins leyfðar kaffikönnur sem slökkva á sér sjálfar 

Meðal þess margir Danir nefndu sem of mikil afskipti ESB af lífi venjulegs fólks var að ESB-þingið hefur samþykkt reglur um að eftir fáein ár megi bara framleiða og selja sjálvirkar kaffikönnur sem slökkva á sér sjálfar eftir ákveðinn tíma. Markmiðið er að spara rafmagn, en Dönum þykir þetta flestum algjör ofstjórn. Þessi reglugerð minnir á samsvarandi tilhneigingu í ESB um að aðeins verði leyfð sala á ryksugum með mótorum að vissri stærð.

Athugasemdir

[Halldór (IP-tala skráð) 22.5.2014 kl. 14:58]

Ég skil ekki afhverju fólk er yfirhöfuð að hafa fyrir því að mæta í kosningar fyrir ESB þingið, það skiptir engu máli hvaða lið er sent út í þeirra nafni, vegna smæðar þá hafa þau engin ítök til að gera nokkurn skapaðan hlut.

Þetta eru tilgangslausustu kosningar sem til eru. 

[Ufsi (IP-tala skráð) 23.5.2014 kl. 02:34]

"...Coffee makers are notorious for being a source of burns and fire, especially when an automatic shut-off mechanism is not present in the machine.."  http://www.consumerwatch.com/household/appliances/coffeemakers.php

Annars væri réttast að fjarlægja öll öryggisatriði, viðvaranir og annað ætlað til verndar hálfvitum. Darwin hefur sýnt framá að það mundi á örfáum árum stórbæta mannkyn.