Heimtar að Barroso verði handtekinn!

John Dalli, fyrrverandi heilbrigðismálaframkvæmdastjóri ESB, segir eðililegt að færa Jose Barroso, fráfarandi forseta framkvæmdastjórnar ESB, í fangelsi komi hann til Möltu. Yfirlýsing Dallis, sem einnig er fyrrverandi ráðherra á Möltu, er nýjasti vinkillinn á rannsókn á meintu spillingarmáli sem enginn botn virðist fást í meðal annars þar sem efnahagsbrotastofnun ESB, OLAF, birtir ekki allar skýrslur um málið. 

Framkvæmdastjórn ESB hefur neitað að tjá sig um nýjustu yfirlýsingar Dallis, en málið þykir endurspegla ógagnsæi í vinnubrögðum í kringum ESB, ótæpilegar valdheimildir forseta framkvæmdastjórnarinnar og mismunandi menningarheima sem skella saman.

Sjá nánari umfjöllun á vef Nei við ESB. 

Athugasemdir

[Ásthildur Cesil Þórðardóttir, 11.7.2014 kl. 17:09]

Datt einhverjum í hug að þetta apparat væri frítt við spillingu?

[Sandy, 12.7.2014 kl. 12:21]

Ég gæti best trúað að Össuri nokkrum Skarphéðinssyni hafi dottið það í hug, nema að hann hafi vitað betur og ákveðið að setja það mál í ESB-leyndarmálapakkann, ásamt öllum hinum leyndarmálunum.

Ekki kæmi mér það á óvart þó það væru svipaðar meldingar á fleiri sviðum innan ESB, það kemur mér að minnsta kosti töluvert á óvart hversu erfitt er fyrir Kost að flytja inn ýmiskonar vörur frá USA jafnvel þó að það séu vörur sem ekki flokkast undir hrávöru.

[Ásthildur Cesil Þórðardóttir, 12.7.2014 kl. 16:50]

Já ætli þeir hafi ekki tekið Múrbúðina á hann?