Guðlaugur Þór segir misskilnings gæta um ESB

Guðlaugur Þór Þórðarson alþingismaður segir að andstaða við aðild að ESB sé það mikil meðal Íslendinga að innganga verði aldrei að veruleika. Hann segir einnig að vel sé hægt að taka upplýsta ákvörðun um málið nú þegar þar sem við vitum hvað felst í því að ganga í ESB. Allt efni sem skipti máli hvað það varðar liggi fyrir eins og opin bók.

Þetta kemur fram í viðtali við Guðlaug Þór í Viðskiptablaðinu fyrir viku síðan.  Þar segir Guðlaugur m.a. gæta misskilnings um eðli og tilgang Evrópusambandsins. Það hafi verið hugsað til að binda saman valdamestu þjóðir Evrópu til að draga úr líkum á stríði þeirra í milli. Liður í því var að gera verslun á milli landanna frjálsa, en reisa svo tollamúra umhverfis bandalagið til að vernda innlenda framleiðslu sambandsríkja frá samkeppni að utan. Evrópusambandið hafi aldrei verið leiðandi í því að gera verslun í heiminum frjálsari. Þar hafi Bandaríkin og Alþjóðaviðskiptastofnunin, WTO, dregið vagninn.

Þá segir Guðlaugur að við Íslendingar ættum í gegnum samstarf okkar við EFTA-ríkin að stuðla að miklu meiri viðskiptum og samskiptum við ríki utan ESB. Þar séu ótal tækifæri. 

Athugasemdir

[Ásmundur (IP-tala skráð) 16.10.2014 kl. 14:50]

Að slíkur maður skuli sitja á Alþingi íslendinga er þjóðinni til mikillar skammar. Þvílík siðblinda! Ef við eigum að komast í tölu siðaðra þjóða verðum við að vera vandlátari í vali á alþingismönnum.

Það veit enginn hve margir eru hlynntir aðild fyrr en samningur liggur fyrir. Við vitum þó að skv skoðanakönnunum vill mikill meirihluti ljúka aðildarviðræðum til að geta tekið afstöðu og um 80% vill að kosið verði um hvort viðræðum verði haldið áfram.

Þetta bendir til að ef samningurinn verður góður eru miklar líkur á að hann verði samþykktur. 

Eru framsóknarmenn og sjálfstæðismenn á þingi upp til hópa siðblindingjar? Það er algjörlega ljóst að ef þeir vilja svíkja loforðið um þjóðaratkvæðagreiðslu er það eingöngu af hræðslu við að þjóðin samþykki aðild. Hvers vegna ættu þeir annars að svíkja loforðið ef þeir eru svona vissir um að Íslendingar hafni aðild?

Því miður vita Íslendingar allt of lítið um hvað felst í aðild, ekki síst vegna blekkinga ESB-andstæðinga. Þegar það verður ljóst að loknum samningi að við höldum öllum aflaheimildum og náttúrauðlindum trúi ég að aðild verði samþykkt.

Það hefur margoft verið staðfest úr innsta hring ESB að í samningum við ESB er samið um sérlausnir vegna sérstakra aðstæðna. Samningar annarra þjóða við ESB innihalda slíkar sérlausnir.

Það er því með algjörum ólíkindum að þingmenn og jafnvel ráðherrar skuli vera svo siðblindir að reyna að ljúga því að þjóðinni að ekki sé um neitt að semja við ESB. 

[Heimssýn, 16.10.2014 kl. 15:00]

Þú ert vinsamlegast beðinn um að virða almennar siðareglur hér á blogginu, Ásmundur, og ekki vera að saka menn um lygar þegar þeir eru að segja skoðanir sínar á stöðu mála. Það fer heldur ekki vel á því þegar þú ert með svona stórkarlalegar yfirlýsingar að vera að saka þingmenn, ráðherra og kjósendur almennt um siðblindu. Vinsamlegast reyndu að stilla þessum sleggjudómum í hóf.

[Valdimar Samúelsson, 16.10.2014 kl. 15:16]

Ásmundur. Hvað fá menn borgað fyrir svona áróðursskrif eins og kemur frá þér og öðrum háværum ESB sinnum. nú vitum við að það eru málaliðar á vegum Evrópustofunnar sem fá borgað en spurningin er aftur hve mikið. Eigum við hin sjens á að vinna okkur inn aur með svona skrifum gegn okkar eigin samvisku og þá er ég ekki að tala um landráð sem þið stuðlið að. Bendi þér á að lesa kafla X í hegningalaga bálkanum um landráð

[Hilmar (IP-tala skráð) 16.10.2014 kl. 15:39]

Það er varla við núverandi stjórn að sakast, eða einstaka þingmenn stjórnarmeirihlutans, Mundi minn, þó þú látir óvandaða menn ljúga því að sér, að um eitthvað sé að semja, eða einhverjar undanþágur séu í boði.

Það er sennilega nærtækara að skoða af hverju þú trúir þessari steypu, þrátt fyrir að forráðamenn ESB hafi ítrekað bent á að ekki sé um neinar undanþágur að ræða, hvorki frá regluverki né stjórnarskrá sambandins.

Það er orðið dálítið pínlegt að horfa upp á grátbólgna putta þína, Mundi minn, hamast á lyklaborðinu, reynandi að sannfæra aðra um að trúa sömu steypu. Það er nefnilega þannig, að þó þú sért tornæmur, og skiljir ekki hvað felst í aðlögun að ESB, þá er ekki svo illa komið fyrir íslenskri þjóð, hún skilur málið mæta vel, og þess vegna er eiginlega enginn lengur að tala um aðlögun að ESB, nema þú.

[Ásmundur (IP-tala skráð) 16.10.2014 kl. 16:46]

Við erum mörg, jafnvel meirihluti þjóðarinnar, sem teljum það alvarlega siðblindu að ná í atkvæði með því að lofa þjóðaratkvæðagreiðslu um áframhald aðildarviðræðna og nota svo þann meirihluta sem þannig fæst til að svíkja loforðið og slíta viðræðum.

Þetta yrðu að sjálfsögðu mjög alvarleg svik. Ekki er nóg með að stefnt sé að því að hafa enga þjóðaratkvæðagreiðslu á kjörtímabilinu þrátt fyrir loforð þar um. Það dugar ekkert minna en að slita viðræðunum og koma þannig i veg fyrir að hægt sé að sækja um aðild næstu ár eða áratugi.

Allar ESB-þjóðirnar hafa gert samning um aðild og borið síðan samninginn undir þjóðina. Þannig gengur aðildarferlið fyrir sig. Hvers vegna í ósköpunum hafa þessar þjóðir verið að eyða mörgum árum í samninga? Það var auðvitað vegna þess að það var nauðsynlegt.

Það er svo fáránlegt að menn skuli vera að ræða á þessum nótum að manni dettur i hug að hér séu ekki bara ótrúleg ómerkilegheit í gangi heldur einnig heimska enda sýna skoðanakannanir að þjóðin trúir ekki þessu bulli. Yfir 80% vill fá að kjósa um áframhald aðildarviðræðna.

Styrmir Gunnarsson talaði á sínum tíma um siðblinduna í íslenskum stjórnmálum þar sem allt væri leyfilegt. Allt var þetta rétt hjá Styrmi. En var hann ekki og er hann ekki á kafi í þessari spillingu sjálfur? 

Loforðasvik og blekkingar um aðildarferlið eru ekki skoðanir. Skoðanir um að slíkt sé í góðu lagi ber að hafna kröftuglega og með mikilli vandlætingu. Þjóðin mun mæta á Austurvöll til þess ef á reynir.

[Hilmar (IP-tala skráð) 16.10.2014 kl. 17:31]

Það hefur enginn lofað þér atkvæðagreiðslu, Mundi minn. Hitt er rétt, að ekki verður haldið áfram aðlögun, nema að halda um það atkvæðagreiðslu.

Það er nú meira hvað þú misskilur allt, karlinn minn, ja, eða skilur bara alls ekki. Það er heldur kjánalegt að lofa allri þjóðinni niður á Austurvöll, allt vegna þess að þú skilur ekki hlutina. Vissulega má búast við því að hagmunaðilar í Samfylkingu, hinni Samfylkingunni og VG nái í mótmælaspjöld sem geymd eru á flokksskrifstofunum og tölti niður á Völl, en það verða nú ekki nema nokkrir tugir manna, og kannski einhverjir kjánar sem enn trúa þeim.

En kjánalegast er nú það, að þú skulir hafa kosið Sjálfstæðisflokk eða Framsókn, vegna misskilnings, og að þú skulir koma fram og viðurkenna það.

[palli (IP-tala skráð) 16.10.2014 kl. 17:40]

Hvað þarf að endurtaka sömu hlutina oft til að það síast inn í páfagauka-heilann þinn, Ásmundur?

Eru einhver takmörk fyrir þessari þráhyggju?

Hérna, enn einu sinni, er það sem sjálft ESB segir um ferlið. Hvað nákvæmlega á sér stað í kollinum á þér þegar þú lest þetta? Hvernig er hægt að vera jafn blindur og vitlaust og þú????

„First, it is important to underline that the term “negotiation„ can be misleading. Accession negotiations focus on the conditions and timing af the candidate´s adoption, implementation and application of EU rules – some 90,000 pages of them.

And these rules ( also known as „acquis“, French for „that which has been agreed“) are not negotiable. For candidates it is essentially a matter of agreeing how and when to adopt and implement EU rules and procedures. For the EU it is important to obtain guarantees on the date and effectiveness of each candidate´s implementation of the rules.“

Hvað nákvæmlega ertu ekki að skilja? Hversu oft þarf að stafa þetta fyrir þig? Hvað er vandamálið í hausnum á þér? 

[Gunnlaugur I., 16.10.2014 kl. 22:40]

Ásmundur "ESB" sinni er í kasti hann er loksins að átta sig á því að taflið er tapað !

Lygin um dýrðir ESB og allur sá lygavefur Brussel valdsins er að þrotum komin !