Hagkerfi Evrópu er í hvíld

Evrusvæðið burðast með stærsta efnahagsvandamál í heiminum í dag, segir hið virta efnahagsfréttarit The Economist. Þar er stórhætta á verðhjöðnun og frekari stöðnun. Leiðari blaðsins um þetta er þarft lesefni.

Athugasemdir

[Anna Sigríður Guðmundsdóttir, 29.10.2014 kl. 18:13]

Hagkerfi heimsins er rekið af glæpamafíustjórum kaupahalla/banka/lífeyrissjóða-svartamarkaðs-skattasvikum helsiðblindra ræningjaforingja. Villta Vestrið telur sig hafa almáttug völd með sínum siðlausu vopnum, bæði í formi skotvopna og sprautunálahótunum eiturvísindanna guðlausu svikulu!

"New World Order"-mafían var ekki stofnuð í gær!

Almættið algóða blessi heimsfriðinn, og allt fólk heimsins. Enginn hlekkur getur orðið sterkari en veikasti hlekkurinn, ef siðmenntað samfélag á að þrífast og þroskast!

Það þarf að efla heimsspeki og siðfræðikennslu í öllum háskólum heimsins, og nota útkomuna til að stýra þessu brjálaða gervipeninga-efnahagskerfi heimsins.

M.b.kv.

[Bjarni Jónsson, 29.10.2014 kl. 21:03]

Boðskapur The Economist á brýnt erindi við Íslendinga, því að núverandi staða á evru-svæðinu varpar skýru ljósi á það, hvernig fer fyrir veikum hagkerfum í myntbandalagi með sterkum.  Ísland getur orðið sterkt hagkerfi og þrifizt með Þjóðverjum, en til þess verður að auka framleiðsluverðmæti á mann umtalsvert, e.t.v. um 50 %, skapa traustan jákvæðan viðskiptajöfnuð og lækka erlendar skuldir.  Þetta er hægt með aukinni iðnvæðingu.

Þetta er reyndar ekki nóg.  Hagsveiflan verður að vera í fasa við ráðandi ríki á myntsvæðinu, hvort sem það er sterling-, evru- eða dollarsvæði.  Auðvitað fylgja kostir myntbandalagi, t.d. minni gengisáhætta og minni viðskiptakostnaður.  Eins og dæmin sanna, eru þó ókostirnir margfaldir á við kostina. 

Nú er búið að endurvekja hugmyndina um Kalmarsamband.  Það verður fróðlegt að fylgjast með þróun hennar.

[Helga Kristjánsdóttir, 30.10.2014 kl. 02:32]

Já, ekkert nýtt undir sólinni,bara endurtekið efni án viðurnefna konunganna : háleggs og lagabætis.

[Bjarni Jónsson, 30.10.2014 kl. 18:48]

Hverju orði sannara.  Ekki má gleyma "gamla", sem var iðinn við kolann, eða "jörlunum", sem öllu nær er að kalla kvislinga og gera sig seka um málflutning, sem er svo fjarstæðukenndur varðandi hagsmuni Íslands, að aumkvunarverðan verður að telja.

Lágkúran og minnimáttarkennd gagnvart því, sem útlent er, gera kvislingana að gjalti.