Þverrandi hagvöxtur á evrusvæðinu

Framkvæmdastjórn Evrópusambandsins spáir því að hagvöxtur verði minni en áður var spáð næstu þrjú árin. Nú spáir stjórnin því að hagvöxtur verði 0,8 prósent á þessu ári í stað 1,2% áður, 1,1% á næsta ári í stað 1,7% áður og að hann verði 1,7 prósent árið 2016. Framleiðsla dregst saman á Ítalíu og víðar í ár.

EUbusiness skýrir frá þessu. Það er því varla að búast við því að atvinnuástandið skáni mikið á næstu árum á evrusvæðinu en það er nú um 12%.

Halli á rekstri hins opinbera er talsverður í sumum evrulöndum. Þannig er hann 4,5% í Frakklandi, 3% á Ítalíu, 5% í Portúgal og 3,7 prósent á Írlandi. Ennfremur er hann 5,4 prósent í Bretlandi. 

Heildarskuldur hins opinbera eru víða langt umfram 60% viðmiðin. Þannig eru skuldirnar að meðal tali 95% á evrusvæðinu og er þá miðað við sem hlutfall af virði landsframleiðslu á einu ári. Skuldahlutfallið þannig reiknað er 75% í Þýskalandi, 95% í Frakklandi, 132% á Ítalíu, 98% á Spáni, 128% í Grikklandi, 110% á Írlandi og 108% á Kýpur. Í Bretlandi virðist það aðeins vera 9%.

Atvinnuleysið er hæst í Grikklandi, 27%, á Spáni er það 25%, en einna minnst í Þýskalandi eða 5%.

Sjá nánár hér.