ESB er friðarspillir

ESB hefur spillt friði með afgerandi hætti í nokkur skipti. Þegar Þjóðverjar knúðu það í gegn að ESB-ríki mynd viðurkenna Króatíu þótt landið uppfyllti ekki kröfur um stöðu minnihlutahópa stuðlaði það að stríði á Balkanskaga í lok síðustu aldar. Svipað má segja um afskipti ESB af stöðu mála á Sri Lanka og í Vestur-Afríku.

Þetta var meðal þess sem fram kom í erindi Lave K.Broch, varaþingmanns dönsku þjóðarhreyfingarinnar gegn ESB-aðild á hátíðarfundi samtakanna Nei til EU í Noregi í dag í tilefni af því að 200 ár eru liðin frá því að Norðmenn fengu stjórnarskrá og 20 ár frá því að Norðmenn höfnuðu síðast aðild að ESB í þjóðaratkvæðagreiðslu.

Í máli Broch kom fram að ESB hefði í mörgum málum unnið gegn ályktunum og áliti Sameinuðu þjóðanna og þannig grafið undan friðarviðleitni SÞ og ýmissa ríkja í Evrópu og víðar. Broch minnti meðal annars á friðarhlutverk Íslendinga á Sri Lanka sem ESB hefði spillt fyrir með þeim afleiðingum að á bilinu 40 þúsund til 70 þúsund manns voru drepnir í átökum Tamil Tígra og yfirvalda. Með því að setja Tamil Tígra á hryðjuverkalista gerði ESB stjórnvöldum á Sri Lanka auðveldar að grípa til hernaðaraðgerða og láta alla friðarviðleitni lönd og leið.

Í Vestur-Afríku lék ESB álíka óleik þegar sambandið gerði samning um fiskveiði við Marokko um hafsvæði sem Marokkó hafði engin lögleg yfirráð yfir, en þá stóðu yfir harðvítugar deilur Marokkó og nærliggjandi svæða í Vestur-Afríku.  

Athugasemdir

[Snorri Hansson, 30.11.2014 kl. 01:01]

Í ensku útgáfu Der Spiegel er  afar athyglisverð grein um ástæðu og

flækjur  sem urðu til þess að þetta andstyggilega mál varð til með

 öllum sínum  afleiðingum. Það hefst með því að þjóð  í miklum

 fjárhagslegum vanda leitar til nágrana landa eftir aðstoð. Ég skora

á fólk að lesa þessa grein vandlega og draga sínar ályktanir á eftir.

http://www.spiegel.de/international/europe/war-in-ukraine-a-result-of-misunderstandings-between-europe-and-russia-a-100470