Hver er árangurinn af rekstri Evrópustofu?

ESB hefur veitt sem svarar nálægt hálfum milljarði króna í rekstur Evrópustofu og tengda starfsemi hér á landi frá árinu 2011 í þeim tilgangi að Íslendingar hafi „réttar“ og „rétt matreiddar“ upplýsingar um Ísland og ESB þegar að því kæmi að greiða atkvæði í þjóðaratkvæðagreiðslu um mögulegan aðildarsamning Íslands að ESB.

Hver er árangurinn af nýtingu þessara fjármuna?

Hefur notkun þessara fjármuna breytt vitund Íslendinga um ESB?

Hafa þessir fjármunir haft áhrif á skoðanir Íslendinga um ESB?

Hafa þessir fjármunir haft áhrif á afstöðu Íslendinga til mögulegrar aðildar að ESB?

Hvernig væri staðan í þessum málum ef Evrópustofa hefði ekki dælt óhindrað út áróðri sínum og áróðurspeningum?

Svona mætti lengi spyrja. Það er ólíklegt að rekstur skrifstofu með fjölmennu starfsliði fyrir hundruð milljóna í nokkur ár hafi ekki einhver áhrif á vitund, vitneskju og afstöðu fólks í fámennu samfélagi.

Kannski hafði starfsemi Evrópustofu allt önnur áhrif en ætlað var?

Er áróðursstarfsemi af þessu tagi eðlileg í lýðræðisríki? Er eðlilegt að erlent afl sem reynir að hafa áhrif á niðurstöðu lýðræðislegrar þróunar í öðru ríki hagi sér svona?

Framtíð Evrópustofu óljós

Athugasemdir

[Örn Johnson ´43 (IP-tala skráð) 18.12.2014 kl. 23:13]

Það er sorglegt við allt þetta mál ríkisstjórnar Jóhönnu Sigurðardóttur að hún tók þá ákvörðun að aldrei væri hægt að reikna út hversu mikið þessi aðildarumsókn hennar kostaði skattgreiðendur. Ráðuneytin máttu ekki skilgreina þennan kostnað sérstaklega. Þúsundir ferðalaga til Brussels voru smámál, vinnan í ráðuneytunum voru aðalmálið.  

Ég álít að þetta hennar prívat og persónulega áhugamál hafi kostað okkur skattgreiðendur yfir 5 milljarða, eða 500 þús á hverja fjölskyldu landsins. Já, dýr var þessi Jóhanna, sem aldrei þarf að svara fyrir þetta rugl sitt.