Helgi Hrafn Gunnarsson og Píratar gefa út opinn tékka til ESB

Það er ekki hægt að skilja málflutning Helga Hrafns Gunnarssonar, þingmanns Pírata, á annan veg en þann að hann vilji halda áfram viðræðum við ESB og ljúka samningi við sambandið án allra skilyrða. Það hefur ekki mátt greina annað á málflutningi hans eða Birgittu Jónsdóttur, forystumanns Pírata, en að þau vilji láta þá fyrirvara sem Alþingi gerði árið 2009 lönd og leið.

Þar með verður ekki annað séð en að Píratar, sem segjast yfirleitt ekki hafa nokkra efnislega skoðun á málinu, séu að styðja skilyrðislausar aðlögunarviðræður og samning við ESB án allra fyrirvara.

Ef þetta er rangt, þá hafa Píratar tækifæri til að fjalla um málið hér.

Athugasemdir

[Ásthildur Cesil Þórðardóttir, 17.3.2015 kl. 12:32]

Já það væri ágætt að fá skýr svör frá þeim um þetta atriði, því ef þau hugsa þannig þá er það alvarlegt mál fyrir landið okkar að mínu mati. 

[Jón Steinar Ragnarsson, 17.3.2015 kl. 14:00]

Ég efast um að þeir viti nokkuð um málið né hafi reynt að kynna sér það. Það er ekki á þeim að heyra. Þeir vilja þjoðaratkvæði um eitthvað þjóðaratkvæðanna vegna.

Þeir fara heim með gullið og bikarinn í lýðskrumi með og án atrennu utanhuss sem innan eftir þessa keppni. Það tok ekki langan tima að breytast í pappírstigrisdýr hjá þessari hugumstóru grasrotarhreyfingu.

[Ásthildur Cesil Þórðardóttir, 17.3.2015 kl. 15:27]

Því miður þá misstu þeir algjörlega kretabilitý með þessu upphlaupi.  Auðvitað er öll stjórnarandstæðan að arga til þess eins að hleypa upp fólki sem dansar með án þess að skoða málið. 

[Elle_, 17.3.2015 kl. 20:50]

Hafa nokkrir sem vilja þangað inn skoðað málið?  Stórefast um það.

[Grímur (IP-tala skráð) 17.3.2015 kl. 21:01]

Lélegir píratar

sem ekki voru búnir að hlera neitt

um bréfið sem stóð upp úr vasa utanríkisráðherra

þegar hann fór um borð í flugvélina í Keflavík

var WikiLeaks ekkert nema fjárplógsstarfsemi?

[Halldór Egill Guðnason, 17.3.2015 kl. 23:23]

Eina málið sem píratar hafa komið gegnum þingið varðar klæðaburð þingmanna. Það var sett á oddinn í byrjun og því geta þingmenn og konur mætt beint úr hesthúsinu á þingfundi. Varla hægt að búast við miklu vitrænu frá svona flokki. Væri gaman að fá skýringu frá þeim,á því hversvegna yfirlýstir anarkistar ( stjórnleysingjar) sækjast eftir því að sitja á þingi. Er ekki eitthvað öfugsnúið við það?

Góðar stundir, með kveðju að sunnan.

[Jón Steinar Ragnarsson, 18.3.2015 kl. 08:25]

Rífandi fögnuður og stemmning í Frankfurt í gær þegar Evrópski seðlabankinn opnaði nýjar aðalstöðvar þar.

http://youtu.be/S2aOl3e4VXo

[Elle_, 18.3.2015 kl. 23:33]

Hey þú, þetta segir allt um rökhugsunina og vitleysuna í málinu:
http://andriki.is/post/113991366529

[Elle_, 18.3.2015 kl. 23:35]

Fyrirgefið, það er búið að taka út þann sem kallaði andstæðinga fífl og var þarna neðstur, en ég var að svara honum.

[Björn Leví (IP-tala skráð) 19.3.2015 kl. 08:07]

Ályktun Pírata er að það þurfi að vera þjóðaratkvæðagreiðsla (https://x.piratar.is/polity/1/document/6/)

Ályktunin frá minnihlutanum segir að það verði þjóðaratkvæðagreiðsla um samninginn.

Væruð þið til í að vitna í Helga og Birgittu ... í þau orð sem fá ykkur til að skilja þau á þann hátt sem þið gerið?

[Villi Asgeirsson, 19.3.2015 kl. 09:06]

1. Píratar eru ekki ESB flokkur. Flokkurinn er hvorki hlynntur ESB aðild né á móti henni. Þeir vilja að viðræður haldi áfram svo að við getum séð hvað er í boði. Það sem þeim ofbýður í þessu máli eru einveldistaktar utanríkisrá'herra og svik á kosningaloforðum.

2. Þeir eru ekki að skríða fyrir múslímum. Flestir hafa látið hafa eftir sér að þeir eru á móti hugmyndafræði islam, en að ekki eigi að gera upp á milli fólks vegna trúarskoðana. Það er eiginlega bara nákvæmlega það sem stjórnarskráin segir að eigi að gera. Það er nefninlega erfitt að neita múslímum um mosku á meðan lögin beinlínis segja að öll trúarbrögð eigi rétt á peningi frá hinu opinbera, og á meðan þjóðkirkjan er ríkisstyrkt. Píratar vilja ekkert borga undir mosku, en á meðan kerfið er eins og það er, er lítið annað hægt að gera.

Það er því alveg þess virði að lesa sér til áður en farið er í upphrópanir sem eiga sér enga stoð í raunveruleikanum.

[Elle_, 19.3.2015 kl. 10:28]

Villi, við vitum alveg nákvæmlega 'hvað er í boði' - ji hvað þetta ofnotaða orðalag passar illa.  Það eru 100 ÞÚSUND blaðsíður af lögum ESB og einstefnuleg yfirráð og yfirtaka þeirra yfir fyrrverandi sjálfstæðum ríkjum.  Þið ættuð að vita þetta EF þið hafið verið að hlusta og lesa þessa öld.

[Eva Þuríđardóttir (IP-tala skráð) 19.3.2015 kl. 11:29]

Takk Elle, viđ Píratar erum upp til hópa ágætlega vel lesin, og vitum ađ megin þorri landsmanna er þađ líka. Þessvegna þjóđaratkvæđagreiđsla. Viđ Píratar setjum okkur ekki á svo háan hest ađ viđ þykkjumst vita alla skapađa hluti best og teljum holt og gott fyrir lýđræđiđ og þjóđina ađ hafa umræđuna uppi á borđum þar sem allir landsmenn geta tekiđ þátt í ađ leysa þetta ESB mál og myndađ sér upplýsta skođun áđur en gengiđ er til atkvæđagreiđslu.

Og ein spurning til þín Halldór; hvađ hefur þú fyrir þér í því ađ "yfirlýstir anarkistar" almennt vilji þađ sem þú kallar "stjórnleysi"? ( ég skil orđiđ stjórnleysi sem svo; utan laga og reglna-en þađ hefur ekkert međ anarkisma ađ gera).