Umsókn Össurar á skjön við stjórnsýslu ESB

Það verður ekki annað séð en að sú umsókn sem Össur Skarphéðinsson, fyrrverandi utanríkisráðherra, sendi forkólfum ESB fyrir hönd ríkisstjórnar Jóhönnu Sigurðardóttur og þáverandi meirihluta Alþingis hafi ekki uppfyllt þær kröfur sem ESB gerir til slíkra umsókna. Umsóknin var skilyrt en ESB gerir kröfur um skilyrðislausa umsókn.

Össur lét vera að kynna ESB þá fyrirvara sem Alþingi gerði með vísan til álits meirihluta utanríkismálanefndar. Þeir fyrirvarar komu hins vegar upp á yfirborðið þegar farið var að ræða sjávarútvegsmál vorið 2011. Á því strandaði málið. 

Össur fór því af stað með ótæka umsókn og sigldi því í raun og veru undir fölsku flaggi gagnvart ESB og íslensku þjóðinni.

Athugasemdir

[Jón Steinar Ragnarsson, 25.3.2015 kl. 18:57]

Össur for bæði á bakvið þjóðina og ESB. 

Umsóknin ætti líka að vera ólögleg sett fram með þingsályktunartillögu því það er klárt brot á 16. Grein stjórnarskrárinnar sem krefst aðkomu forseta.

Ég velti fyrir mér hvern andskotann menn voru að greina í skýrslu utanríkisráðuneytisins um stöðuna á síðasta ári. Var þetta bara einhver skolastíll?

[Jón Steinar Ragnarsson, 25.3.2015 kl. 19:06]

Það er stórfenglegt að sjá Brigittu hefja sig til dýrlings þjóðaratkvæðagreiðslu um áframhald án raka þegar hún sjálf greiddi atkvæði gegn þjóaðatkvæðagreiðslu í upphafi máls og studdi allt það vafasama og líklega ólöglega ferli.

http://ast.blog.is/blog/ast/entry/1358233/

Er enginn að rannsaka þessa dellu fyrir hönd stjórnarinnar?

Er t.d. Ekki rétt að benda á að það eru ekki bara fyrirvarar um að hleypa togurum sambandsins hér upp í landsteina og eyðileggja árangur 200 mílna þorskastríðsins, heldur er því líka hafnað að leyfa erlendum aðilum að fjárfesta í útgerðum af þeirri skiljanlegu ástæðu að ef það er gert mun allt fjöreggið færast með tímanum á erlendar hendur og arðurinn fluttur úr landi.

það er eins og enginn geri sér grein fyrir alvarleika þessa máls. Nú er buið að snúa þessu upp í þras um óskiljanleg þjóðaratkvæði þjóðaratkvæðanna vegna.

Ríkistjórnin tekur þátt í þessum afvegaleiðingum og andvana þrasi og maður spyr sig hvort enginn hafi unnið heimavinnuna sína í þessu máli.

[Jón Steinar Ragnarsson, 25.3.2015 kl. 19:08]

Hvernig væri að heimsýn setti saman starfshóp til að ná fókus á þessa þvælu alla saman?

[Ásthildur Cesil Þórðardóttir, 26.3.2015 kl. 16:45]

 Það væri bara vel til fundið. 

[Elle_, 26.3.2015 kl. 21:22]

Össur sigldi alltaf undir fölsku flaggi í þessu máli. Eins og í ICESAVE-málinu (þar faldi hann (eða leyndi) skýrslu hliðholla Íslandi).

[Elle_, 26.3.2015 kl. 22:40]

Jón Steinar, alveg ómissandi í þessu máli.  Það er ekki eins og fólk viti ekki þetta með lögsöguna og erlendu togarana.  Það er ekki eins og engir hafi skrifað og talað um það árum saman, ekki síst Jón Bjarnason og Ragnar Arnalds. 

Þeir sem vilja framelja valdið til Brussel er bara nákvæmlega sama.