Var umsókn Össurar á skjön við lög og stjórnarskrá?

Ljóst er að Össur Skarphéðinsson fór á skjön við viðmið Evrópusambandsins þegar hann afhenti forystumönnum ESB umsókn um inngöngu Íslands án þess að getið var um þá fyrirvara sem Alþingi Íslands setti um fiskveiðimál og fleira. Þegar þeir fyrirvarar komu í ljós steytti umsóknin á skeri.

Það er í fleiri atriðum sem umsóknin brýtur gegn lögum og stjórnarskrá samkvæmt skilningi margra. Þannig fól umsóknin í sér fyrirætlun um valdaframsal til erlends aðila sem var og er óheimilt samkvæmt stjórnarskránni. 

Í öðru lagi telja margir að umsóknin hafi verið það mikilvæg stjórnarráðstöfun að það hefði átt að bera hana upp í ríkisráði. Það var ekki gert.

Hvernig í ósköpunum ætlar fólk sér að láta fara fram þjóðaratkvæðagreiðslu um framhald umsóknar sem var vafasöm, ekki aðeins út frá stjórnarskrá og íslenskum lögum, heldur einnig gagnvart þeim reglum sem gilda í Evrópusambandinu?

Athugasemdir

[Jón Steinar Ragnarsson, 28.3.2015 kl. 10:33]

Menn geta velt því fyrir sér hvers vegna allt kapp var lagt á að halda forsetanum utan málsins. Kosið var gegn því að leggja þetta í þjóðaratkvæði. Þetta var selt þinginu á þeim forsendum að um einhverjar óformlegar "könnunarviðræður" væri að ræða það væri einhver "pakki" sem þyrfti að kikja í og þrætt fyrir það fram í rauðan dauðann að þetta væri einhliða aðlögun. Slíkt mátti ekki nefna.

Annað hefur komið í ljós eins og kemur fram í áfangaskýrslum þar sem ekki var hægt að opna eða klára kafla vegna þess að tl þess vantaði heimildir í stjórnarskrá.

Vitað var í upphafi að um 70% væru andvíg inngöngu samkvæmt skoðanakönnunum. Þess vegna var ekki á það hættandi að forsetinn vísaði þessu undir atkvæði þjoðarinnar.

16. 19. Og 21. Grein stjórnarskrárinnar m.a. er ekki hægt að miskilja né hunsa nema með vilja.

Stjórnarskrármálið og umsóknin eru sama málið, því það átti að byrja á því að breyta henni til að gera inngöngu mögulega. Þetta átti að taka 6-8 mánuði sögðu sumir. Framsókn kom hinsvegar í veg fyrir beinar breytingar með því að leggja til stjórnlagaþing og gera það að skilyrði fyrir stuðningi við minnihlutastjornina.

http://www.visir.is/stjornarskra-breytt-fyrir-esb-adild/article/200938564492

Þar með fór hraðferðin fyrir lítið. Það sem svo endanlega stöðvaði bæði málin var umsögn Eftadómstólsins um stjórnarskrárdrögin, þar sem gagnrýnt var að of margir fyrirvarar væru á framsalsákvæðum draganna. Hefðu menn samþykkt þau drög, hefði sú stjórnarskrá líka komið í veg fyrir áframhald viðræðna og lokað fyrir möguleika til inngöngu. Framsalsákvæði draganna 28. Kafli 111.gr settu jafnvel enn sterkari skorður en gamla stjórnarskráin.

http://stjornlagarad.is/starfid/frumvarp/

Málin strönduðu á þessu og engin leið framhjá því vegna þess að afnám framsalsákvæða voru alltaf frumskilyrði fyrir umsókn og inngöngu.

Mennn þurfa ekki annað en skoða skýrslur um framgang þessara viðræðna til að sjá á hverju heykti. Mikið yrði maður þakklátur ef fólk gæfi sér eins og klukkutíma eða tvo til að kíkja á þau gögn.

 http://www.vidraedur2009-2013.is/gognin/

[Jón Steinar Ragnarsson, 28.3.2015 kl. 10:39]

Það er alveg ljóst af lestrinum að ESB hafði miklu fastari sýn á lögmæti umsóknarinnar og tengsl hennar við fyrirstöður í stjórnarskrá en nokkur þorði að láta út úr sér hér. Það kemur ítrekað fram. ESB vsr með forgangsatriðin á hreinu og ætlaði sér ekki að brjóta nein lög sem kæmu niðrá málinu síðar. Össur treysti því hinsvegar að þjóðin væri svo heimsk eða óupplýst að þetta skipti engu máli. Hann setti vagninn fyrir hestinn og ætlaði sér að böðla þessu í gegn og á því strandaði.

[Jón Steinar Ragnarsson, 28.3.2015 kl. 10:45]

Hér er Össur jafnvel svo oforskammaður að reyna að selja Evrópusambandinu sjálfu blekkingar sinar um að hér sé eitthvað um að semja og undanþágur að fá. Stefan Fule, rekur það snyrtilega ofan í hann á meðan aðrir engjast um í aulahrolli í þessu vandræðalegasta augnabliki íslensks stjórnmálamanns í sögunni.

http://youtu.be/0O4fkcYwpu8

Össur minnir mjög á Chamberlane þegar hann kom með friðarsamkomulagið forðum.

[Heimssýn, 28.3.2015 kl. 11:13]

 Bestu þakkir, Jón Steinar. Þetta er þörf upprifjun og við þurfum að halda þessum atriðum fast fram.

[Elle_, 28.3.2015 kl. 12:20]

http://youtu.be/0O4fkcYwpu8

Samfó sigldi alltaf undir fölsku flaggi, í þessu máli og ICESAVE-málinu og stjórnarskrármálinu, í raun allt hluti af sama máli.  Þetta er of sorglegt til að vera hlægilegt, en hvernig stendur á að þessi maður er enn í íslenskum stjórnmálum?