ESB vill hirða fullveldið af Grikkjum

Nú skulu öll ráð af Grikkjum tekin. Þeir þurfa að afhenda ríkiseignir sem tryggingu fyrir lánum og setja allar aðgerðir í lög. Allt traust er farið og yfirstjórn ESB ákveður aðferðir og leiðir og skammtar svo úr hnefa.

Mbl.is segir hér:

 

Stjórn­völd í Grikklandi verða af fram­selja yf­ir­ráðin yfir rík­is­eign­um að verðmæti 50 millj­arða evra í hend­ur evru­svæðis­ins sem trygg­ingu fyr­ir því að ráðist verði í um­fangs­mikla einka­væðingu í land­inu. Standi grísk­ir ráðamenn ekki við kröf­ur um einka­væðingu verða eign­irn­ar seld­ar.

Þetta kem­ur meðal ann­ars fram í til­lögu að sam­komu­lagi um skulda­vanda Grikk­lands sem sett var sam­an á fundi fjár­málaráðherra evru­ríkj­anna í dag sam­kvæmt frétt breska dag­blaðsins Guar­di­an. Þar seg­ir að verði til­lag­an að raun­veru­legu sam­komu­lagi við grísk stjórn­völd yrði um að ræða gríðarlegt framsal á full­veldi. Jafn­vel í til­felli rík­is sem verið hafi und­ir eft­ir­liti Evr­ópu­sam­bands­ins, Evr­ópska seðlabank­ans og Alþjóðagjald­eyr­is­sjóðsins síðustu fimm ár.

Þeim mögu­leika er haldið opn­um í til­lögu fjár­málaráðherra evru­ríkj­anna að Grikk­land fari tíma­bundið út af evru­svæðinu ef grísk stjórn­völd fall­ast ekki á sam­komu­lag við alþjóðlega lán­ar­drottna lands­ins. Þjóðverj­ar höfðu áður lagt þá til­lögu til. Ná­ist sam­komu­lag þurfa Grikk­ir lík­lega á bil­inu 82-86 millj­arða evra sam­kvæmt til­lögu ráðherr­anna.

Verða að afhenda ríkiseignir

Athugasemdir

[Ásthildur Cesil Þórðardóttir, 12.7.2015 kl. 18:36]

Og enn er til fólk á Íslandi sem vill leggja allt í sölurnar fyrir að komast þarna inn.  Það er auðvitað ekki í lagi með slíkt fólk.  Þetta er bara óþolandi græðgi banka og bankstera sem vilja gína yfir öllu sem getur gefið þeim meiri auð og meiri völd, svei því bara.

[Heimssýn, 12.7.2015 kl. 18:53]

Kröfuhafar settu fram svipaðar hugmyndir hér á landi eftir hrunið, þ.e. að ríkiseignir yrðu látnar upp í skuldir bankanna. Þær hugmyndir voru sem betur fer bara draumur einhverra kröfuhafa - og gátu aldrei náð fram að ganga. Það voru þó til talsmenn þess hér á landi að ríkið ábyrgðist almennt skuldir einkabankanna. Sem betur fer var atburðarásin þó þannig að neyðarlögin voru samþykkt áður en samningar voru gerðir við AGS með fulltrúa ESB-ríkjanna sem ráðandi afl þar innanborðs. Það þurfti sterk bein til að standast kröfur ESB á þessum óvissutímum.

[Vilhjálmur Örn Vilhjálmsson, 13.7.2015 kl. 02:27]

ESB er vandamálið, ekki Grikkland. Evran er vandamálið ekki krónan. Niður með ESB arftaka 3. Ríkisins.