Evran kremur efnahag Finna

Þátttaka Finna í gjaldmiðilsbandalagi Evrópu, evrunni, hefur gert það að verkum að vinnuaflskostnaður er fimmtungi hærri í Finnlandi en í samkeppnislöndunum Svíþjóð og Þýskalandi. Þess vegna hefur útflutningur átt undir högg að sækja í Finnlandi, hagvöxtur verið daufur og atvinnuleysi of mikið. Þetta bitnar svo að sjálfsögðu á þjónustugetu hins opinbera í Finnlandi.

Fyrir vikið er Finnland kallað veiki maðurinn í Evrópu.

Nú hafa stjórnvöld í Finnlandi í bígerð að bregðast við þessu með því að fækka frídögum og veikindagreiðslum. 

Það er líklegt að Finnum muni þykja óbragð að þeim meðulum sem þeir þurfa að taka vegna þeirra kvilla sem evran veldur þeim.

Athugasemdir

[Gunnar Rögnvaldsson, 9.9.2015 kl. 16:14]

Hér er draumur ASÍ að rætast í Finnlandi. Bara allt að gerast þar.

Námskeið eru nú haldin fyrir forseta Frakklands. Á þau mætir hann á skellinöðru svo að Mercédes bifreið Schroeders námskeiðshaldara í evrustálfátækt, fái stöðumælendasekt sínum parkerað korrekt við Élysée.

Og nú er Mercédes skrjóður Schroeders sem sagt mættur á bílastæðin fyrir utan Suomen pääministeríið, til að kenna Finnum evrustálfátækt alla leið niður á botn evru-ríkja.

Þegar Finnland er komið niður á botninn fagra, þá hefst nýtt skeið innvortis gengisfellingar Þýskalands gagnvart öðrum evrulöndum og Ópel Kadett kemst loksins í framleiðslu á ný.

Næsta umferð á evrusvæðinu er að koma þýskum Trabant úr eggjabökkum í umferðina á ný. Þar með hefur evrusvæðið gengið upp. Allir jafnir - þar til að næsta lota af innvortis gengisfellingum Þýskalands hefst á ný.