Norrænt sambandsríki í stað ESB

Einn þekktasti sagnfræðingur Svía, Gunnar Wetterberg, segir að ESB virðist vera að molna í sundur og það sé hagsmunamál fyrir Norðurlöndin að sameinast sem mest áður en það gerist. Einkum ættu Norðurlöndin að auka samvinnu á sviði innflytjendamála, vinnumarkaðsmála og varnarmála.

Gunnar hefur tekið saman skýrslur fyrir Norðurlandaráð um þessi mál. Hann segir í grein í sænska blaðinu Dagens Nyteter að erfiðleikar ESB ættu að ýta undir umræðu um aukna samvinnu Norðurlanda. Hann segir að hætt sé við því að evran muni eiga við áframhaldandi erfiðleika að etja, upplausn Schengen-samstarfsins grafi undan þeirri samþættingu sem komin hafi verið vel á veg á Eyrarsundssvæðinu, möguleg útganga Bretlands úr ESB knýi á um aukna samvinnu Breta og Norðurlanda, þróun í Rússlandi og á svæði þeirra kalli enn fremur á aukið samstarf Norðurlanda og tryggja þurfi það frelsi sem ríkt hefur á milli Norðurlanda með samræmdum reglum þeirra á milli varðandi fólksflutninga, skatta á vinnumarkaði og fleira af því tagi.

 

 

Athugasemdir

[Aðalmundur (IP-tala skráð) 18.1.2016 kl. 00:47]

Eru við viss um að við viljum fá sænska flóttamannastefnu eða pólitískan sænskan rétttrúnað? Ég held ekki. Nær væri að reisa Kínamúr utanum Svíþjóð og leyfa þeim að fara sér að voða einum með sjálfum sér.

[Halldór (IP-tala skráð) 18.1.2016 kl. 09:03]

Ég verð að vera sammála Aðalmundi hér, sænskur rétttrúnaður er eitthvað sem við þurfum ekki á að halda, held að sharía lögin væru betri.

[Jón Valur Jensson, 18.1.2016 kl. 09:26]

Það er ekki minnsta ástæða til þess, að Íslendingar fórni fullveldi og sjálfstæði síns lýðveldis til að láta innlimast í norrænt sambandsríki og verða um langan aldur undirorpnir skandinavískum sócíaldemókratisma, auk ágengni á fiskimið okkar og aðrar auðlindir og landsréttindi.

[Helga Kristjánsdóttir, 18.1.2016 kl. 12:33]

 Akkurat erindið sem ég vildi hingað í athugasemdardálkinn,það sem þið þrír skrifið hér.