Svisslendingar draga umsóknina að ESB til baka

Nú þegar svissneska þingið hefur samþykkt að draga umsóknina að ESB formlega til baka ætti að vera hægðarleikur fyrir íslenska þingið að koma í kjölfarið. Það er reyndar mjög athyglisvert að svissnekska þingið skuli nú með 126 atkvæðum gegn 46 samþykkja að draga umsóknina formlega til baka en nær fjórðungur úr öld er frá því svissnekskir kjósendur höfnuðu aðild að EES og þar með að ESB. 

Skoða má samþykkt svissneska þingsins sem yfirlýsingu um að Sviss hafi og muni betur farnast utan ESB. Þótt umsóknin hafi að mestu verið dauður bókstafur frá því hún var sett á ís eftir þjóðaratkvæðagreiðsluna um EES árið 1992 var talið nauðsynlegt að hafa skýrar línur í þessu þar sem ESB hafi vegna umsóknarinnar ekki litið á Sviss sem sjálfstætt og fullvalda ríki. Umsóknin hafi þannig í vissum atriðum staðið Svisslendingum fyrir þrifum.

Samkvæmt skoðanakönnunum vija aðeins 5% Svisslendinga ganga í ESB.

ESB-umsókn Sviss verði dregin til baka

Athugasemdir

[Kolbrún Hilmars, 2.3.2016 kl. 15:23]

Athyglisverðast við þennan gjörning er að svisslendingar telja að aðildarumsókn þeirra á síðustu öld - sem að meira að segja var felld í þjóðaratkvæðagreiðslu, skuli hafa staðið þeim fyrir þrifum í samskiptum við ESB alla tíð síðan. 
Hvað megum við íslendingar þá segja?

[Aztec, 3.3.2016 kl. 01:09]

Íslenzka ríkisstjórnin (þegar hún hefur sagt skilið við Gunnar Braga) ætti ekki aðeins að draga ESB-umsóknina illræmdu formlega tilbaka fyrir fullt og allt og leggja hana í djúpa gröf, heldur einnig að reyna að fá endurbætur gerðar á EES-samningnum í samvinnu með ESB, Noreg og Liechtenstein.

Svisslendingar höfnuðu aðild að EES (en eru enn meðlimir að EFTA), því að þeim fannst að sjálfstæði þeirra yrði skert of mikið. Getur þá ekki verið, að Íslendingar hafi gefið eftir of mikið af sjálfstæði sínu með aðildinni að EES eins og hún er í dag? Eða er um fórnarkostnað að ræða? Og etv. lítil fórn miðað við að öll 27 leppríki sambandsins hafa misst sjálfstæði sitt að mestu eða öllu leyti?