Ályktun Framsóknar um ESB

Eftirfarandi var samþykkt á 34. flokksþingi Framsóknarflokksins um síðustu helgi:

Framsóknarflokkurinn telur hag lands og þjóðar best borgið utan Evrópusambandsins og hafnar því aðild að sambandinu. Framsóknarflokkurinn fagnar því að ríkisstjórn undir forystu Framsóknarflokksins afturkallaði aðildarumsóknina að ESB. Ljóst má vera að forsendur þeirrar umsóknar eru brostnar. Gæta skal íslenskra hagsmuna í hvívetna varðandi útgöngu Breta úr Evrópusambandinu. Bretland er stærsta viðskiptaland Íslands, bæði hvað varðar vöru- og þjónustuviðskipti. Ísland skal hafa frumkvæði að viðræðum við stjórnvöld í Bretlandi þar sem markmiðið er að tryggja a.m.k. jafn góð viðskiptakjör milli þjóðanna og nú eru í gildi. Í ljósi þeirra grundvallarbreytinga sem orðið hafa á vettvangi EES, meðal annars með útgöngu Bretlands og í ljósi vandamála er tengjast Schengen samstarfinu er orðið tímabært að meta árangurinn af þessum samningum og velta upp valkostum.

 

Sjá nánar: Ályktanir 34. flokksþings Framsóknarflokksins 1. - 2. október 2016.

Athugasemdir

[Anna Sigríður Guðmundsdóttir, 6.10.2016 kl. 22:31]

Jæja, er það svo?

Og svo kom Eggert Skúlason DV-flokksmaður bara skyndilega fram á leiksviðið, eins og nýfrelsaður Framsóknarflokksins engill Valhallar-svikaliðsins Bretastýrða?

Ja, fyrr má nú vera blekkingarleikurinn sem fullorðnir karlmenn leika svona kinnroðalaust, og án þess að skammast sín fyrir spillinguna?

Það er undarlegt, að kunna ekki að skammast sín, og halda að ef enginn viti um sammiskunnarsvikin, þá séu þau svik bara í góðu lagi?

MAFÍUKÓNGA-KÚGUNARSTÝRÐ SIÐBLINDA Í HNOTSKURN!

M.b.kv.

[Anna Sigríður Guðmundsdóttir, 6.10.2016 kl. 22:32]

...sam-viskunnar-svikin...