Benedikt með boðorðin á bringunni

Fjármála- og efnahagsráðherra er í viðtali við RUV uppáklæddur eins og fótgönguliði útsendur af ESB, eins og meðfylgjandi mynd ber með sér. Hann lýsir yfir áhyggjum sínum af sterkri krónu. Á sama tíma segir forsætisráðherra, íklæddur venjulegum jakkafötum, að hækkun krónunnar sýni styrk íslensks efnahagslífs. Hún sé ákveðinn öryggisventill.

Meginástæðan fyrir hækkun á gengi krónunnar er gífurlegt aðstreymi erlends fjár með kaupglöðum erlendum túristum. Það er búið að loka fyrir spákaupmennsku á grunni vaxtamunarviðskipta. Gengishækkunin nú gegnir lykilhlutverki í aðlögun þjóðarbúskaparins að þeim búhnykk sem hraður vöxtur ferðaþjónustunnar veldur. 

Krónan, og frjálst gengi hennar, er sá öryggisventill og stuðpúði sem við þurfum á að halda í núverandi ástandi. Hefði gengi krónunnar ekki hækkað má búast við að innflæði fjár hefði verið og yrði enn meira með túristum, að eftirspurnarþrýstingur innanlands, sem nú er veitt að hluta út fyrir landsteinanna, hefði vaxið og yxi enn meira og verðbólguþrýstingur þar með. Það hefði verið óbærilegt við þessar aðstæður að vera með evru.

Það er því alveg rétt sem forsætisráðherra sagði í kvöldfréttum Útvarpsins rétt í þessu að hækkandi gengi krónunnar sýndi styrk íslensks efnahagslífs um leið og hún leiðréttir ákveðnar misfellur.

 

Athugasemdir

[Helgi Jónsson (IP-tala skráð) 23.5.2017 kl. 10:12]

Mér finnst bolurinn fara honum vel, ég er bara ekki ánægður með litinn...hann hefði mátt vera rauður.

[Jóhann Kristinsson, 23.5.2017 kl. 16:45]

Það er vitað mál að gjaldmiðill er mælistika á efnahagslífi landsins, það er að segja því meiri afgangur af tekjum landsins umfram eyðslu, því sterkari verður gjaldmiðillinn.

Hvað er svona erfit að skilja í þessu? það þarf ekki háskólamenntun til að skilja þetta.

Af hverju er evran dottinn niður eins og hún hefur gert? Líta bara á efnahagslíf ESB landa sem þykir ekki vera upp á marga fiskana undanfarin ár.

Kveðja frá Houston

[Gunnlaugur I., 24.5.2017 kl. 02:13]

Bensi í ESB/evru bolnum minnir á 8 ára strák í Supermann búning sem í barnslegri gerfi veröld ævintýrana trúir enn á ofurhetjuna sína. 

Þegar þjoðin hefur þroskst og séð i gegnum ESB og Evruna þá er Bensi enn í ESB/evru bolnum sinum á sextugs aldri. Menn hlæja auðvitað að Bensa, að þessi kjáni skuli vera fjámálaráðherra þjóðarinnar.

Þetta er eins og afinn sem gekk i barndóm og klæddist Batmann búningnum i sextugs afmælinu sinu !