ESB skreppur saman

Þessi frétt á Eyjunni sem á rót í Frankfurter Allgemeine Zeitung bendir til þess að í ljósi hinna miklu erfiðleika sem dunið hafa á ESB og evrulöndunum hafi nú forkólfar ESB sannfærst um að betra hefði verið að fara hægar af stað og með færri ríkjum. Nú vilja forkólfarnir taka skref aftur á bak, þétta raðirnar í kringum þau ríki sem þegar hafa evruna og gera þau að innsta kjarna í ESB. 

Það er alveg merkilegt hvað stofnanakúltúrinn í ESB hefur valdið mikilli skoðanakúgun. Það hefur þurft langtíma-atvinnuleysi tugmilljóna vinnufærra einstaklinga, ungra sem eldri, til þess að hinir samansúrruðu neyðist til að sveigja hugsanir sínar inn á nýjar brautir. Spurningin er bara hvort hugmyndir af þessu tagi komist á áætlun og í framkvæmd.

Hugmyndirnar benda alltént til þess að forkólfar ESB hafi ekki trú á því að staðið hafi verið rétt að málum undanfarinn áratug.

Athugasemdir

[Haukur Kristinsson (IP-tala skráð) 23.5.2017 kl. 18:31]

"ESB skreppur saman." Ég vil fá að vita hver skrifaði þetta rugl. Annað hvort hefur hann ekki skilið greinina í FAZ vegna lélegrar þýskukunnáttu eða að hér sé um vísvitandi "disinformation" að ræða. Hver er höfundurinn?