Sendiherra ESB á Íslandi með uppsteyt á fundi Heimssýnar

Það vakti talsverða athygli fundargesta á nýlegum fundi Heimssýnar og fleiri með David Jones, fyrrverandi Brexit-útgönguráðherra Breta, á fimmtudag í síðustu viku þegar nýr sendiherra ESB á Íslandi, Michael Mann, mætti til fundarins með fríðu föruneyti og var með uppsteyt í lok fundarins.

Sendiherrann tók til máls þegar komið var að fyrirspurnum og mótmælti ýmsu í málflutningi Jones, s.s. um tilhneigingu til samrunaþróunar í ESB. David Jones hlustaði á athugasemdir sendiherrans, en þegar Jones hóf að svara greip sendiherrann til ráða sem varla er hægt að kenna við góða hegðun diplómata og greip margsinnis fram í með nöldurtón og skiptist á búkhljóðum og meðfylgjandi augngotum og svipbrigðum við starfsfólk sitt. Að endingu varð Jones að biðja sendiherrann um að fylgja viðurkenndum fundarreglum og sýna álíka kurteisi og aðrir fundarmenn höfðu sýnt.

Nánar verður greint frá fundinum fljótlega hér á bloggsíðunni.

Athugasemdir

[Jón Valur Jensson, 14.11.2017 kl. 13:09]

Skömm er að þessari framkomu.

[Kolbrún Hilmars, 14.11.2017 kl. 13:17]

Eru ESB fulltrúar að taka af sér silkihanskana? 

[Ragnhildur Kolka, 14.11.2017 kl. 13:41]

Þegar menn fara að hegða sér svona segir það aðeins eitt - þeir eru komnir í bullandi vörn.

[Ufsi (IP-tala skráð) 14.11.2017 kl. 14:14]

Hann hefði vel mátt sýna smá sjálfstjórn og kurteisi þó mótherjinn svari spurningum með útúrsnúningum, bulli og rangfærslum. Sérstaklega þegar grunnhyggnum hættir til að dæma samtökin í heild og tali í fleirtölu hagi einn fulltrúi sér illa.