Sjálfstæðisbarátta Katalóna til umræðu í Háskóla Íslands á laugardag

Sjálfstæðisbarátta og sjálfstæðishreyfing Katalóna verður til umræðu í Háskóla Íslands á laugardaginn, 2. desember næstkomandi, klukkan 14:00. Frummælandi verður Albert Llemosí prófessor við háskólann á Baleareyjum (en þar er töluð katalónska eins og víðar á Spáni utan Katalóníu). 

Það eru félögin Herjan, Ísafold og Heimssýn sem skipuleggja fundinn.

Fundurinn verður haldinn í stofu 102 á Háskólatorgi í Háskóla Íslands í Reykjavík og hefst klukkan 14:00 eins og áður sagði.

Allir eru velkomnir á meðan húsrými leyfir. Frummælandinn mælir á enska tungu.