Íslenskur stjórnmálaflokkur heldur landsfund undir fána erlends ríkjasambands

Stjórnmálaflokkurinn Viðreisn hélt landsfund í samkomuhúsinu Stapa í Reykjanesbæ um helgina. Fundurinn var haldinn undir fána Evrópusambandsins. Hvað skyldi það þýða? Það er alþekkt að Evrópusambandið vill að merki þess sé í hávegum haft þar sem það hefur borgað reikninginn. Því vaknar spurningin hvort ESB hafi hér borgað einhverja reikninga? Þetta er í öllu falli undarlegt uppátæki. Minna má á að samkvæmt lögum um fjármál stjórnmálasamtaka og frambjóðenda þeirra frá 2006 er óheimilt að veita viðtöku framlögum frá erlendum ríkisborgurum, fyrirtækjum eða öðrum aðilum sem skráðir eru í öðrum löndum.

 

 

 

 

Athugasemdir

[Helga Kristjánsdóttir, 12.3.2018 kl. 01:18]

Landsfundur;? Við gætum fyllt stærri sal á einu ættarmóti,tækjum við þau aftur upp.

Gott ef einhverjir litu ekki þarna inn af þeim sem gengnir eru fyrir ætternistapa.

[Dagbjartur Gunnar Lúðvíksson (IP-tala skráð) 12.3.2018 kl. 09:38]

„Því vaknar spurningin hvort ESB hafi hér borgað einhverja reikninga“

Þessari spurningu er auðsvarað því fjármál stjórnmálaflokka eru opinber og Viðreisn hefur skilað sínum reikningum fyrst allra stjórnmálaflokka síðust tvö árin. Viðreisn þiggur enga styrki frá erlendum aðilum, hvorki beint né í gegnum leppfélög (eins og aðrir íslenskri stjórnmálaflokkar eiga til að gera, án þess að farið sé ítarlegar út í þá sálma á þessum vettvangi).

Hverjum sem er er frjálst að flagga fána Evrópusambandsins og gerum við það til að fagna Vestrænum gildum, samstarfi, mannréttindum og frið. Íslenski fáninn hefði átt heima þarna líka ef það væri ekki bannað skv. reglum stjórnarráðsins um notkun fánans að hafa þjóðfána í sömu röð eða þyrpingu og fána félagasamtaka.

Ég vona að þetta svari spurningum þínum, Haraldur.

[Valdimar Samúelsson, 12.3.2018 kl. 12:07]

Er þá ekki Viðreisn á styrkjum frá George Soros.

Soros er í góðu sambandi við ESB enda berjast þeir fyrir sömu alþjóðasinna stefnu.NWO.

Þetta þarf að athuga strax og það má ekki líða það að stjórnmálaflokkar berjist fyrir erlend öfl.