Aukin fátækt meðal eldra fólks í ESB er áhyggjuefni

Hætta er á því að fátækt aukist meðal eftirlaunaþega í Evrópusambandinu á næstunni. Talið er að 17,3 milljónir einstaklinga eldri en 65 ára, eða 18,2% einstaklinga í þessum aldurshópi, eigi á hættu að lenda í fátækt og félagslegri útskúfun. 

Þetta kemur fram í nýlegri skýrslu ESB um lífeyrismál.

Athugasemdir

[Jón Frímann Jónsson, 5.5.2018 kl. 00:59]

Lífeyrismál eru á forræði sjálfra ríkjanna. Þar hefur Evrópusambandið ekkert vald og tekur engar ákvarðanir.

Það eina sem varðar Evrópusambandið er þegar lífeyrisþegar og öryrkjar flytja til annara ríkja innan Evrópusambandsins og EES ríkjanna. Þar er hlutverk Evrópusambandsins að tryggja að sömu lög og reglur gildi hjá öllum aðilum.

[Heimssýn, 5.5.2018 kl. 11:49]

Athyglisvert, Jón Frímann. En eitt af því sem gerði útslagið um að Danir höfnuðu því að taka upp evruna var óttinn við áhrifin á lífeyriskerfið. Það væri kannski ástæða til að rifja upp þá umræðu.

[Jón Frímann Jónsson, 5.5.2018 kl. 12:09]

Andstæðingar Evrópusambandsins í Danmörku lugu að dönum. Þeir hljóta að vera skyldir ykkur og fáráðlingingum í Bretlandi (sem eru með allt niðrum sig um þessar mundir og það er kviknað í kofanum þeirra að auki). Danir eins og Svíar eru að koma rosalega illa útúr því að standa fyrir utan evruna í dag.

Heimssýn má rifja upp hvað sem er en það breytir á engan hátt staðreyndum. Það kannski breytir þeim lygum sem Heimssýn rekur og skrifar alla dagan en engu öðru.

[Heimssýn, 5.5.2018 kl. 12:59]

Svíar og Danir hafa að meðaltali staðið sig betur en flestar aðrar ESB-þjóðir þegar kemur að ýmsum efnahagslegum viðmiðunum svo sem varðandi atvinnu og fleira, að ekki sé nú talað um velferðarkerfið sem þú þekkir væntanlega vel í Danmörku, Jón Frímann. Báðar þjóðirnar eru lausar við evruna - og engin umræða um upptöku hennar í þessum löndum nema í einhverjum afkimum sem lítið heyrist af.

[Jón Frímann Jónsson, 6.5.2018 kl. 00:51]

Þetta er rangt. Bara kostnaðurinn við að þurfa að skipta dönskum krónum yfir í evrur er mikill fyrir bæði danskt og sænskt þjóðfélag (sænskar krónur). Fyrir utan íslensku krónuna, þá var sænska krónan einn af þeim gjaldmiðlum sem hvað verst stóðu sig í heiminum árið 2017.

Það er Danske Folkeparti sem er stöðugt að ýta eftir niðurskurði í danska velferðakerfinu. Þeir eru eins og margir meðlimir Heimsýnar ekkert annað en öfgafullir fasistar og oft á tíðum er málflutningurinn hjá þeim hreinræktaður ný-nasismi. Það eru þeir sem eru einnig að skerða ellilífeyri hjá eldra fólki, skerða bætur hjá fátæku fólki. Það er fjallað um það hérna hjá Berlinske. Þetta gengur svo langt hjá DF að þeir vilja svipta fólk ellilífeyri og bótum sem býr utan Danmerkur.

https://www.b.dk/politiko/tusindvis-af-danskere-kan-miste-retten-til-fuld-folkepension

Það kostar venjulega danska fjölskyldu 1.000 DKK að kaupa evrur ef viðkomandi fjölskylda er með 50.000 DKK ferðakostnað á ári. Það er skrifað um það hérna.

Evran, https://www.business.dk/oekonomi/euro-eller-ikke-euro-det-er-spoergsmaalet

Ólíkt Svíþjóð, þá er Danmörk með fastengi við evruna. Miðað við tölur frá Evrópska Seðlabankanum (ECB) þá geta íslendingar alveg eins verið með fastgengi í dag, þar sem sveiflan er minni en 1% yfir 3 mánaða tímabil (skráningin nær ekki lengra eins og stendur).

Íslenska krónan kostar íslendinga milljarða á ári í vaxtakostnað og skiptagengiskostnað og önnur leiðindi. Þessu þarf að breyta með inngöngu í Evrópusambandið og upptöku evru.

[Heimssýn, 6.5.2018 kl. 12:17]

Þegar menn eins og Jón Frímann segir að þeir sem eru ekki á sömu skoðun og hann séu nasistar, fávitar, fáráðlingar eða þess háttar eru þeir að dæma sig úr úr málefnalegri umræðu. Einhvern tíma hefði svona fordómafullu fólki verið hent út af umræðuþræði en líklega er bara best að leyfa þessu að hanga inni svo fólk geti sjálft dæmt um málflutninginn. Það er varla þörf á því að svara svöna löguðu efnislega en þó má benda á að evran hefur gert það að verkum að Þjóðverjar og fáeinar kjarnaþjóðir hafa hagnast gífurlega í utanríkisviðskiptum gagnvart jaðarsvæðunum. Eignastaða Þjóðverja hefur því batnað gífurlega á meðan skuldastaða jaðarþjóðanna hefur stórhækkað. Samhliða þessu hafa atvinnutækifærin sogast úr jaðarsvæðum til Þýskalands og kjarnasvæðanna. Atvinnuleysið er gífurlegt á Spáni, Grikklandi og víðar á meðan það er þokkalegt í Þýskalandi og fáeinum löndum öðrum. Kostnaðurinn sem Grikkir, Spánverjar og fleiri hafa greitt fyrir evruna er því gífurlegur.