Persónuverndarfrumvarpið felur í sér óásættanlegt valdaframsal

Stjórn Heimssýnar hefur sent Guðna Th. Jóhannessyni forseta bréf vegna fyrirhugaðrar samþykktar Alþingis á nýjum persónuverndarlögum. Löggjöfin byggir á reglugerð Evrópusambandsins. Heimssýn er andvíg löggjöfinni, sem hún telur að kunni að stangast á við stjórnarskrá, og biður forsetann að hafna lögunum fari svo að Alþingi samþykkti þau.

Sjá nánari umfjöllun á vef Ríkisútvarpsins

 

Bréf Heimssýnar til forsetans er eftirfarandi:

Heiðraði forseti

Samtökin Heimssýn vilja vekja athygli þína á frumvarpi um persónuvernd og vinnslu persónuupplýsinga sem nú er til umfjöllunar á Alþingi.  Í frumvarpinu er gert ráð fyrir valdaframsali til erlends ríkjasambands og erfitt er að sjá að slíkt framsal sé heimilt.  Heimssýn íhugar að leita fulltingis dómstóla til að koma í veg fyrir þetta valdaframsal og fer þess á leit við forseta að hafna lögunum, fari svo að Alþingi samþykki frumvarpið.

Þingmenn hafni frumvarpinu

Athugasemdir

[Jón Þórhallsson, 13.6.2018 kl. 13:09]

Hvað myndi gerast ef að bæði forseti Íslands og Alþingi íslendinga myndu hafna allri aðkomu EES að öllum persónu-upplýsingum frá Íslandi?

=Að hafna því að innleiða þessa  nýju löggjöf í okkar lög?

Myndi ESB reka okkur úr EES-samstarfinu?

[Kolbrún Hilmars, 13.6.2018 kl. 19:08]

ESB rekur okkur aldrei úr EES.  Vildum við sjálf segja upp þeim samningi til endurskoðunar yrði það gert okkur álíka erfitt og BREXIT bretum.