ESB grefur undan lýðræði í Svíþjóð

Sænska ríkisútvarpið greinir frá nýbirtri rannsóknarskýrslu vísindamanna sem gagnrýna hve lítið rætt er um stór ESB-mál fyrir kosningarnar sem verða í byrjun næsta mánaðar. Vísindamennirnir segja að þar með sé grafið undan lýðræðislegri umræðu um stór mál svo sem aðildargjöld Svíþjóðar, innflytjendamál og Brexit.

Rolf Fredriksson, fréttamaður SVT, segir ýmislegt benda til að aðildargjöld Svíþjóðar muni aukast - en um það sé ekkert rætt í Svíþjóð. Þá kemur fram að kjósendur viti varla hvaða skoðanir flokkar og stjórnmálamenn hafi á ESB-málum. Ein af ástæðum þess að ESB-málin eru ekki rætt eru mismunandi skoðanir stjórmmálamanna og kjósenda þeirra. Stjórnmálamenn vilji einfaldlega ekki ræða um stór álitamál sem tengjast ESB af því að kjósendur þeirra eru ósammála þeim. Þetta er stórt lýðræðislegt vandamál, segja höfundar nýlegrar skýrslu um efnið.

Athugasemdir

[Valdimar Samúelsson, 28.8.2018 kl. 12:49]

Nú getum við farið að apa eftir Svíum haldi þeir þessu til streitu sem ég vona.