ESB með sæstreng á kortinu á milli Íslands og Skotlands

ESB hefur valið „Ice-Link“, sæstreng á milli Íslands og Skotlands, inn á skrá sína um áhugaverðustu verkefnin á sviði millilandatenginga fyrir raforku af Kerfisþróunaráætlun sinni. Þetta bendir til áhuga innan ESB á að kaupa rafmagn frá Íslandi, sennilega aðallega frá vatnsorkuverum, sem henta vel til að fylla í skarðið, þegar lygnt er á álagstíma. Komi upp ágreiningur um lagningu eða rekstur sæstrengs á milli eftirlitsyfirvalda (landsreglara) landanna, sem hýsa endabúnað sæstrengs, þá ber ACER (Orkustofnun) að úrskurða. Með áhugasama fjárfesta um sæstrengsverkefni og greinilega velvild hjá ESB verður mjög á brattann að sækja fyrir íslensk stjórnvöld að koma í veg fyrir slíkt.

 

Þetta er meðal þess sem kemur fram í nýrri skýrslu Orkunnar okkar um áhrifin af inngöngu Íslands í Orkusamband ESB

Stærsta ákvörðun „íslensks lýðveldis“

Athugasemdir

[Þorsteinn Siglaugsson, 19.8.2019 kl. 09:17]

Þetta eru aðeins ein ósannindin sem haldið hefur verið fram af orkupakkaandstæðingum: Það er ekki ESB heldur íslenskir aðilar sem óskuðu eftir að þessi strengur yrði settur á skrá. Og það er búið að draga þá umsókn til baka.

[Sigurður Ragnarsson (IP-tala skráð) 19.8.2019 kl. 11:23]

Kemur ekki á óvart. Forstjóri Landsvirkjunar hefur lengi verið með sæstreng á heilanum. Ragnheiður Elín Árnadóttir fyrrum ráðherra lofaði ekki kjósendum sæstreng en lét vinna í málinu og talaði ekki ólíklega um slíkan streng, sem hjálpaði Sjálfstæðismönnum á Suðurlandi til að gera upp hug sinn, og nú er hún ekki lengur á þingi. Þórdís Kolbrún R. Gylfadóttir ráðherra hefur aldrei, svo að ég viti, lýst sig andvíga sæstreng. Hefur yfirleitt nokkur þingmaður Sjálfstæðisflokksins talað gegn sæstreng? Fleiri flokkar eru trúlega á milli steins og sleggju.