Eins og sjálfstæð þjóð

Kári Stefánsson hefur verið á höttunum eftir bóluefni fyrir Íslendinga.  Af óljósum ástæðum sem virðast tengjast Evrópusambandinu hafði stjórnvöldum á Íslandi gengið verkið illa.  Af því tilefni segir Kári:  "Þetta er bara dæmi um það hvað það get­ur verið mik­il­vægt að geta hagað sér eins og sjálf­stæð þjóð..."

Um það þarf auðvitað ekki að hafa fleiri orð, en það er ágætt að rifja það upp öðru hverju. 

https://www.mbl.is/frettir/innlent/2021/01/08/litur_ut_fyrir_ad_thetta_aetli_ekki_ad_ganga/

Athugasemdir

[Þorsteinn Briem, 8.1.2021 kl. 15:09]

Evrópusambandsríkin hafa samið um kaup á meira bóluefni gegn Covid-19 en Bandaríkin, miðað við íbúafjölda þessara ríkja, samkvæmt Bloomberg fréttaveitunni.

Öll Evrópusambandsríkin og Noregur hafa nú þegar samið um að fá 83% meira af bóluefni gegn Covid-19 en allir íbúar þessara landa þurfa, Bandaríkin 69% meira og Ísland 56% meira en allir landsmenn þurfa.

Covid-19 Tracker - Bloomberg

Bólusetning með bóluefni Pfizer-BioNTech er hafin á öllu Evrópska efnahagssvæðinu, Lyfjastofnun Evrópu samþykkti bóluefni Moderna síðastliðinn miðvikudag og reiknað er með að stofnunin samþykki bóluefni AstraZeneca í þessum mánuði.

Ekki þarf að bólusetja nema 60-70% af íbúum hvers lands til að ná hjarðónæmi og næsta víst, eins og Bjarni Fel. myndi segja, að því takmarki verður náð á fyrrihluta þessa árs á öllu Evrópska efnahagssvæðinu (í Evrópusambandsríkjunum, Noregi og hér á Íslandi).

3.1.2021:

"Stella Kyriakides heilsu- og matvælaöryggisstjóri Evrópusambandsins segir ekki hægt að kenna sambandinu um tafir við afhendingu bóluefna.

Vandinn liggi í hve hægt gengur að framleiða nægilega mikið til að mæta eftirspurninni en með aðstoð muni sá vandi leysast smám saman."

Evrópusambandið styður við framleiðslu bóluefna

1.1.2021:

"Þýska lyfjafyrirtækið BioNTech keppist nú við að auka framleiðslugetu á bóluefninu sem það þróaði í samvinnu við bandaríska lyfjarisann Pfizer."

"Fyrirtækið stefnir á að opna nýja verksmiðju í þýsku borginni Marburg í febrúar og framleiða þar 250 milljónir skammta í viðbót við þá sem áður hafði verið áætlað.

Þá hafa forsvarsmenn fyrirtækisins gert samninga við fimm lyfjaframleiðendur um framleiðslu á efninu og viðræður standa nú yfir við fleiri fyrirtæki."

BioNTech keppist við að auka framleiðslugetuna