Evrópumenning er ýmislegt

Það fór þá svo að ógæfan sem menn óttuðust helltist yfir í Austur-Evrópu.  Það er dapurlegt, en kemur því miður ekki á óvart. 

Stjórnendur ríkis telja sér ógnað af öðru ríki og reyna að skipta þar um stjórn með hólkum og púðri.  Þeir sem fyrir sitja á fleti bregðast við eins og venja hefur verið í flestum löndum Evrópu í aldaraðir, með því að loka hálfa þjóðina inni og þvinga hana í veg fyrir fallstykkin. Mörg ríki Evrópu telja sér skylt að útvega þessu fólki púður og blý sem ljóst er að hefur þann tilgang helstan að auka blóðstreymið og fylla kjötkvarnirnar.  Allt er þetta ríkur þáttur í menningu mjög margra, ef ekki flestra Evrópuríkja. 

Hlutur Íslendinga í þessum leik er að reyna að tala um fyrir mönnum þar sem því verður við komið og umfram allt að gæta þess eins og framast er unnt að ekkert þeirra ríkja og engin þeirra þjóða sem þarna eiga hlut að máli á fái nein völd á Íslandi.

Athugasemdir

[G. Tómas Gunnarsson, 26.2.2022 kl. 00:53]

Vildi gjarnan vita hvort að þessi pistill endurspegli opinbera afstöðu Heimssýnar til stríðsins í Ukraínu, eða hvort þetta sé einkaskoðun einhvers sem hefur aðgang að bloggi samtakanna?

[Gunnar Heiðarsson, 26.2.2022 kl. 07:39]

Ég tek undir með G.Tómasi, er þetta opinber afstaða Heimssýnar?

[Þorsteinn Briem, 26.2.2022 kl. 10:42]

Í Þýskalandi Hitlers bjó eins og í Rússlandi margt gott og geðugt fólk, þar á meðal gyðingar, en brjálæðingurinn Pútín, forseti Rússlands, heldur því fram að forseti Úkraínu, sem er gyðingur, sé nasisti.

En Pútín hagar sér að sjálfsögðu ekki eins og nasisti að eigin áliti.

"Volodymyr Oleksandrovych Zelenskyy [president of Ukraine since 2019] was born to Jewish parents on 25 January 1978."

25.2.2022 (í gær):

Ukraine: What sanctions are being imposed on Russia? - BBC

[Heimssýn, 26.2.2022 kl. 12:04]

Stefna Heimssýnar kristallast í orðunum um að umfram allt beri að gæta þess að hin erlendu ríki fái ekki völd á Íslandi.    Annað eru vangaveltur sem leggja má út af með ýmsum hætti. 

Félagar Heimssýnar hafa ýmsar skoðanir á alþjóðamálum, þar á meðal Nató og sjálfsagt líka Rússlandi. Af því tilefni sem hér gefst er rétt að benda þeim sem telja sig friðar- og mannréttindasinna en hafa samt stutt innlimun Íslands í Evrópusambandið á hið hernaðarlega eðli stóru Evrópuríkjanna.     

[Þorsteinn Briem, 26.2.2022 kl. 12:45]

"Öll mannréttinda- og neytendavernd hefur komið frá Evrópu, óumbeðin og í óþökk íslenskra yfirvalda, allt frá mannvirðingarákvæðum í stjórnarskránni frá 1874 og að þessum nýjustu mannréttindadómum."

"Mannréttindaákvæði stjórnarskrárinnar frá 1874 og aðdragandi að setningu hennar:"

"Sérstök mótstaða var hér á landi við atvinnufrelsið enda var það talið höggva að undirstöðum hins fábreytta íslenska bændasamfélags þar sem gildandi voru strangar reglur um vistarbönd og vistarskyldu vinnufólks og lausamennska var litin hornauga.

Fyrir setningu stjórnarskrárinnar 1874 hafnaði Alþingi þannig öllum tillögum dönsku stjórnarinnar um afnám hafta á atvinnufrelsinu."

"Að ýmsu leyti gengu tillögur dönsku stjórnarinnar lengra en þær kröfur sem Íslendingar sjálfir gerðu."

"Hér á landi var við lýði fábreytt og íhaldssamt bændasamfélag sem tók hugmyndum um ýmis frelsisréttindi borgaranna fremur fálega.

"Þannig voru Danastjórn og fulltrúar hennar í raun þau öfl á Alþingi sem voru helstu boðberar aukins frjálslyndis og ýmissa frelsisréttinda á Íslandi á síðari hluta 19. aldar."

(Björg Thorarensen, prófessor í stjórnskipunarrétti við Háskóla Íslands, Stjórnskipunarréttur og mannréttindi, útg. 2008, bls. 27-30.)