1914 á ný

Mannfórnir í stórum stíl eru nú stundaðar í A-Evrópu.  Það er djúpt í menningu Evrópumanna og margra annarra að við vissar pólitískar aðstæður sé rétt að hefja manndráp og það hefur nú verið gert. 

Beggja vegna landamæra sem kannski breytast og kannski ekki eru stórar þjóðir sem virðast eiga sameiginlegt að vera upp til hópa sannfærðar um ágæti málstaðar eigin ríkisstjórnar, og það sem meira er: eru tilbúnar að drepa og drepa þar til enginn getur talið líkin lengur.

Svona var þetta víst 1914.  Ekkert er nýtt undir sólinni.

Eins og stundum áður reynir á að Íslendingar geti umgengist dýrin í garðinum án þess að breytast sjálfir í skepnur.

Athugasemdir

[Theódór Norðkvist, 16.5.2022 kl. 18:55]

Þetta er nú með skynsamlegri færslum af þessu bloggi um árás Rússa í Úkraínu (geri ráð fyrir að höfundur hafi haft hana í huga þegar þessi orð voru rituð.)

Skynsamlegasta svarið er það sem séra Sigurbjörn Einarsson fyrrverandi biskup - blessuð sé minning hans - skrifaði eitt sinn:

Styrjaldir hafa fylgt mannkyninu frá örófi alda.

Ég geri ekki ráð fyrir að það verði breyting þar á í náinni framtíð.

[Helga Kristjánsdóttir, 17.5.2022 kl. 04:25]

Djúpt i menningu Evrópu? Það er ekki svo langt síðan Júgóslavía logaði án pólitískrar þrætu nema að trúarbragðadeilur flokkist sem slík,þegar þröngt er um einhvert þeirra.
Já svona var það 1914 og eldri kynslóðir eru ekkert að heyra það í fyrsta sinni.   Í Reykjavíkur bréfi MBL.15.5,skrifar höfundur:

Innrásin í Úkraínu var sögð af hálfu Pútíns forseta vera eins konar varnar og öryggisráðstöfun,sem hefði verið óhjákvæmileg þar sem vestrænir leiðtogar hefðu gengið á bak orða sinna í aðdraganda falls Sovetríkjanna og í kjölfar þess. loforðin hefðu fallist í því að tryggt yrði að það lag sem "vesturveldin" teldu sig eiga nú og veik staða Rússa,sem stæðu í grunni hruninna Sovétríkja,yrðu ekki notuð til að leiða inn í Nató nýfrjáls ríki Austur-Evrópu,sem hefðu í áratugi lotið fjarstjórn frá Kreml-sem sovésk leppríki. Allir vita hvernig það fór.-- --

Nú blasir við að brögðin sem voru höfð í því tafli yrðu endurtekin til að fella Úkraínu inn í hernaðarskipulag Nató,þvert á yfirlýsingu um það gagnstæða og skráð fyrirheit og loforða þegar Sovétríkin voru lögð af án átaka milli stórvelda.

Það er aldrei hægt að treysta þessum svokölluðu vesturveldum hvorki í gefnum loforðum né fréttamiðlum þeirra,að tali nú ekki um veirufaraldra,sem nú á að herða með því að brúka yfirráð sín í WHO og setja reglugerð (eða hvað það heitir) sem tekur af okkur ráðin með lyf og sprautur; Tími kominn til að fara að stofna heimavarnarlið.   

[Theódór Norðkvist, 17.5.2022 kl. 22:06]

NATO lofaði aldrei að stækka ekki til austurs, enda hefur NATO ekkert um það að segja í hvaða bandalögum og félagasamtökum frjáls og fullvalda ríki mega sækja um inngöngu.

Ekki frekar en að þeir geti bannað löndum utan bandalagsins (og ekki einu sinni innan þess) að halda með Manchester United.

Ég var að vona að ég þyrfti ekki að benda á þetta, því eins og ég segi, upphafsfærslan var mjög hófstillt, nánast hlutlaus í þessu sorglega stríði. Svo hófstillt að ég ætla að biðja samtökin afsökunar á að hafa einhvern tímann kallað þau Heimsksýn.