Tíðindalaust á vígstöðvunum

Enn eru færðar mannfórnir í A-Evrópu.  Fáir tala um að mál sé að snúa sér að öðru.  Allt bendir til þess að beggja vegna víglínunnar séu menn almennt sammála um að halda áfram að drepa hverja aðra þangað til ásættanleg niðurstaða fæst.  Vígamennirnir virðast ekki hafa hana í augsýn. 

Raunar er drjúgur hluti Evrópumanna á þessari skoðun, enda er hún í ljómandi samræmi við sögu Evrópu frá örófi.  Þessu liði er ekki sjálfrátt núna, frekar en árið 1914. 

Hlutverk Íslendinga er vitaskuld að reyna að bera klæði á vopnin, en gæta þess umfram allt að þetta stríðsfólk fái aldrei nein völd á Íslandi.  Enginn veit hver örlög Íslendinga yrðu ef svo færi.

 

https://news.gallup.com/poll/403133/ukrainians-support-fighting-until-victory.aspx

https://carnegieendowment.org/2022/09/07/my-country-right-or-wrong-russian-public-opinion-on-ukraine-pub-87803

 

 

 

 

Athugasemdir

[Þorsteinn Briem, 22.10.2022 kl. 01:36]

Stríð eru langt frá því að vera sérevrópskt fyrirbrigði og þau hafa verið háð úti um allar heimsins koppagrundir, í Evrópu, Norður-Ameríku, Mið-Ameríku, Suður-Ameríku, Afríku og Asíu.

Og bandamenn áttu sem sagt að semja frið við Hitler í seinni heimsstyrjöldinni og sleppa því að frelsa til að mynda Frakkland vegna þess að það var ekki breskt eða bandarískt.