Vísitasía frá Evrópusambandinu

Það er venja að vísitera sóknirnar öðru hverju, jafnvel þær sem smæstar og fjarlægastar eru. Þá er sendur maður í sparifötum og nýjum skóm með embættisbréf frá höfuðbólinu. 

Maros Sefcovic varaforseti framkvæmdastjórnar Evrópusambandsins kom í heimsókn um daginn.  Hann talaði til alþýðu í Háskólanum og var mál manna að hann hefði verið langorður.  Fátt nýtt kom þó fram á hinu opna málþingi, annað en að það hlyti að hafa verið erfitt að draga fram lífið á Íslandi áður en EES-samningurinn kom til sögunnar. 

Aðspurður um hvort ekki væri tímabært að hætta að leggja toll á fiskafurðir frá Íslandi, eins og á við um t.d. fisk frá Kanada, hafði hann það helst að segja að vandamálið væri að Íslendingar fiskuðu svo mikið.

Þetta Evrópusamband er undarlegur söfnuður, það er ekki ofsagt.

https://www.stjornarradid.is/efst-a-baugi/frettir/stok-frett/2022/10/20/Varaforseti-framkvaemdastjornar-ESB-fundar-med-utanrikisradherra/

 

Athugasemdir

[Jón Frímann Jónsson, 23.10.2022 kl. 17:40]

Einu undarlegi söfnuðurinn hérna eru rugludallanir í Heimssýn. Öfga-hægri menn sem eru ekki í sambandi við raunveruleikann og hafa ekki verið lengi.

Bulla semhengislaust eitthvað um Evrópusambandið og semja síðan samsæriskenningar um Evrópusambandið og láta eins og það séu staðreyndir.

Íslendingar vita núna hvað gerist þegar andstæðingum Evrópusambandsins er trúað. Það fer allt í rúst eins og gerst hefur í Bretlandi.