EES sem viðskiptahindrun

Margir sáu EES-samninginn sem leið til frjálsari viðskipta, en íþyngjandi reglur Evrópusambandsins sem berast til Íslands með EES-samningnum virka oft á tíðum sem viðskiptahindrun.  Hjörtur J. Guðmundsson fer yfir málið með skilmerkilegum hætti, eins og honum er vant, í grein í Innherja.  Hjörtur bendir á leiðina til ljóssins: 

Hins vegar er leið út úr þessum aðstæðum. Leið sem ríki heimsins kjósa allajafna að fara þegar þau semja um milliríkjaviðskipti og þar á meðal stærstu efnahagsveldin með sína miklu viðskiptahagsmuni. Þar með talið Evrópusambandið. Víðtækur fríverzlunarsamningur. 

https://www.visir.is/g/20232385923d/minna-svigrum-til-vidskiptasamninga?fbclid=IwAR2_E9MSJ44Q5AtB4SJ94seLX8OZhWAEtEwfdVhDzIp9HXkraZU-H4dWoyU

Athugasemdir

[Guðmundur Örn Ragnarsson (IP-tala skráð) 6.3.2023 kl. 19:55]

Kominn er tími til að Ísland rjúfi fríverslunarsamninginn við Efnahagsbandalag Evrópu og semji með öðrum hætti en í þeirri mynd sem verið hefur.

Samningurinn hefur verið við lýði í meira en 30 ár, en allan þann tíma hefur Evrópusambandið stöðugt bætt einhliða ákvæðum inn í Samninginn, kvöðum sem eru að gera útaf við efnahag og sjálfstæði Íslands.

Í Kalda stríðinu vorum við í efnahagssambandi við Rússa. Þeim seldum við nær alla síld og stóran hlut af þeim fiski sem við veiddum. Við keyptum af þeim nær alla olíu, og ógrynni af bílum. Það viðskiptasamband sem við áttum við Rússa var báðum þjóðunum til blessunar.

Um leið og við nú segjum upp Fríverslunarsamningnum við Evrópusambandið ættum við að athuga hvort ekki væri möguleiki að ganga til samninga um fríverslunarsamning við Rússa.

[Ingólfur Sigurðsson, 7.3.2023 kl. 03:14]

Ég tek undir með Guðmundi Erni. Það eru breyttir tímar í heiminum. Rússar reyndust okkur betur en flestar þjóðir í hruninu 2008. Þrátt fyrir að vera mjög óvinsælir núna út af stríðinu eru þeir sterk og mikil þjóð, menningarþjóð, og ekki sjálfkrafa rétt að standa gegn þeim í þessu máli.

Samdráttur hefur verið á heimsvísu útaf femínisma og öfgajafnaðarstefnu. Rússar hafa blómstrað miklu betur en haldið var, þrátt fyrir efnahagsstríðið sem er eldra en Úkraínustríðið.

Venjulegur kapítalismi er á undanhaldi í Bandaríkjunum og Evrópu. Fjölmenningarstefna og öfgakapítalismi þar sem örfáir græða kominn í staðinn.

Gamla jafnaðarstefnan var heiðarlegri og gamli kapítalisminn.