Barn síns tíma

Sífellt fjölgar þeim sem taka til máls með gagnrýnum hætti um EES-samstarfið, sem óneitanlega hefur þróast með undarlegum hætti, þótt ekki sé fastar að orði kveðið.  Eggert Sigurbergsson ritar á Fasbókarsíðu Heimssýnar eftirfarandi:

Mér er minnistæð grein ekki fyrir alls löngu þar sem fyrrverandi EES baráttumaður og ráðherra Alþýðuflokksins fór hringveginn. Hann sá ástæðu til að kvarta yfir því að það talaði enginn íslensku í öllum þeim veitingastöðum og sjoppum við þjóðveginn sem hann heimsótti og var að furða sig á hvers vegna. Stutta svarið er að það sem gerðist var EES, félagsleg undirboð (getulaus verkalýðsfélög) og vanvirðing ráðamanna við okkar menningu og tungumál. Í dag eru um helmingur þeirra sem eru á atvinnuleysisskrá með erlent ríkisfang og þúsundir eða jafnvel tugþúsundir eru "týndir" á Ísland, þvílík er óreiðan hjá þjóðskrá. EES er barn síns tíma, þegar tollar voru 10-20% á vörur frá Íslandi, og er fyrir löngu búið að snúast upp í andhverfu sína. Tollar á alþjóðavísu er um 3%, þökk sé WTO, og jafnframt er Ísland með tollfrelsi á frystum fiskafurðum með tvíhliða samningi Íslands og ESB frá 1973 sem er jafnframt rétthærri en EES. Nú eru blikur á lofti að útflutningur á ferskum fiski tilheyri fortíðinni enda á að skattleggja flutning á vöru og þjónustu í flugi til og frá Íslandi í nafni hamfarahlýnunar þar sem ESB hirðir ágóðann. Það er sannarlega kominn tími til að segja upp EES og helst sem fyrst því Norðmenn gætu verið á undan okkur.

Við minnum á Fasbókarsíðu Heimssýnar, sem vantar fleiri áskrifendur

https://www.facebook.com/groups/heimssyn

Athugasemdir

[Guðbjörg Snót Jónsdóttir (IP-tala skráð) 27.2.2024 kl. 14:42]

Já, enda er Jón Baldvin Hannibalsson farinn að gagnrýna samninginn, og sagðist aldrei hefðu látið samþykkja aðild Íslands að honum eða lagt það til, ef hann hefði vitað, hvernig framhaldið myndi verða, eða vitað um þær breytingar, sem nú hafa komið á daginn. Jón Baldvin er sko alls ekkert ánægður með þessa þróun. Það hefur hann sagt oftsinnis í viðtölum um þessi mál. Þetta segir sína sögu, sem við ættum að líta meira til og athuga nánar, og svara um leið spurningunni um það, hvort það sé þess virði að halda áfram að vera hluti af þessum EES-bandalagi.